ඉන්දියාවේ විදේශ ඇමැති එස්. ජයශංකර්, නිව්යෝර්ක්හිදී කියා සිටියේ ආසියාවේ නැග්ම සඳහා ඉන්දියාව සහ චීනය අවබෝධාත්මක එකඟතාවකට ආ යුතු බවය. එක්සත් ජාතීන්ගේ මහා මණ්ඩල රැස්වීමට ආ විදේශ ඇමැතිවරයාට ඉන්දියාව සහ චීනය අතර දේශසීමා අර්බුදය සම්බන්ධයෙන් නඟන ලද ප්රශ්නයකට පිළිතුරු දෙමින් ඔහු මේ බව පැවැසීය.
‘අපේ කාලයේ දැකපු ලොකුම වෙනස තමයි චීනයේ නැගිටීම. ඒ ගැන කිසිම විවාදයක් නෑ. ඒ වගේම ඉන්දියාවත් මේ කාලයේ නැගිට්ටා’ යැයි ඔහු පැවැසීය. ඉන්දියාවේ වර්ධන අනුපාතය ඉතා ආකර්ෂණීය යැයි ඔහු වැඩිදුරටත් පැවැසීය.
අද තිබෙන ප්රශ්නය මේ නැගී එන බල කඳවුරු දෙක කොහොමද අභියෝගවලට මුහුණ දෙන්නේ කියලා. මෙය ඉතා සංකීර්ණ තත්ත්වයක්. ඉතිහාසයේ මෙවැනි භූගෝල පිහිටීම් අනුව බල කඳවුරු දෙකක් එකවර නැගී සිට නැහැ. ආසියාවේ නැගිටීම බල කඳවුරු දෙකක් එකිනෙකා ආර්ථික වශයෙන් නැගිටිනවාද නැත්නම් බල කඳවුරු තුනක් එකට නැගී සිටිනවාද යන්නයි.
