ලෝකයේ විවිධ ස්ථාන විවිධාකාරයෙන් ප්රසිද්ධව ඇති ආකාරයන් දකින්න ලැබීම සාමාන්ය දෙයක්. සංචාරයට, විනෝදාස්වාදයට, ක්රීඩාවට වගේම තවත් විවිධ හේතු කාරණා මුල්කර ගනිමින් ප්රසිද්ධියට පත්වූ ස්ථාන ලෝකය පුරාම දක්නට ලැබෙයි. එහෙත් මේ ඒ සියල්ලටම වඩා වෙනස් දෙයකට ප්රසිද්ධ වූ ස්ථානයක් ගැන කතාවක්. කොටින්ම කියනවා නම් මේක කැලෑවක්. එහෙමත් නැත්නම් වනාන්තරයක්. හැබැයි අනෙකුත් වනාන්තරත් එක්ක ගත්තම මෙතැන විශාල වෙනසක් තියෙනවා. ඒ කියන්නේ මෙතැන තියෙන්නේ කිසිකෙනකුට විශ්වාස කරන්න පුළුවන් කතාවකුත් නෙවෙයි. මේක ගොඩාක් දෙනෙක් භීතියට පත්කරන කතාවක් කිව්වොත් වරදක් නැහැ.
ඉතින් මේ වනාන්තරයේ විශේෂත්වය තමයි ජීවිතය එපා වෙච්ච බහුතරයක් සියදිවි නසාගන්න යන්නේ මේ වනාන්තරයට කියන එක. මේ වනාන්තරය පිහිටා තිබෙන්නේ ජපානයේ ෆුජී කන්දට යාබදවයි. මෙය වඩාත් ප්රසිද්ධියට පත්වන්නේ ජපාන ජාතිකයන් විශාල පිරිසක් දිවි නසාගන්නට එය තෝරාගෙන ඇති බව හෙළිවීමත් සමගයි.
2003 වසරේදී පමණක් කළ සොයා බැලීමකින් හෙළිව ඇත්තේ එම වසරේ සියදිවි නසාගත් පුද්ගලයන් 105කගේ පමණ සිරුරු මෙහි තිබී සොයාගැනීමට හැකිවී තිබීමයි. 2010 වසරේ එම ප්රමාණය 200 ඉක්මවා ගොස් ඇති බවත් හෙළිව තිබේ.
මේ සම්බන්ධව කළ වැඩිදුර සොයා බැලීම්වලින් හෙළිව ඇත්තේ මියගිය පුද්ගලයන් වැඩි පිරිසක් තනිකඩයන් බවයි. එසේම ගෙල වැලලාගැනීමත්, ඖෂධ අධිමාත්රා භාවිතයෙනුත් වැඩි පිරිසක් මියගොස් ඇති බවත් සොයාගැනීමට හැකිව තිබේ.
ජපානයේ බොහෝ පිරිසක් සමාජයෙන් ඈත්ව රැකියාවන්ගේ නිරත වන බැවින් ඔවුන් මානසික ආතතිය වැනි තත්ත්වයන්ට ගොදුරුව මෙවැනි දේට පෙළඹෙන්නට ඉඩකඩ වැඩි බව තමයි තතු දන්නන්ගේ අදහස වෙලා තියෙන්නේ. හැබැයි ඊට හාත්පසින්ම වෙනස් කතාවකුත් මේ වන විට ජපන් සමාජය තුළ වේගයෙන් පැතිර යනවා. ඒ මේ වනය තුළට ඇතුළු වන්න්නගේ මනස සියදිවි නසාගන්නා තත්ත්වයට පත්කිරීමේ ගුප්ත බලවේගයන් ක්රියාත්මක වන බවට පැතිර යන මතයයි. සත්යය කුමක් වුවත් එදත්, අදත් හෙටත් ජපන් ජාතිකයන්ගේ නිහඬ මරණ ගැන සත්ය දන්නේ මේ වනාන්තරයේ අජීවී ගහකොළ පමණක්ම බව නම් සත්යයකි.
කුමාර රත්නායක
