පීපල්ස් ලීසිං වාර්ෂික වාර්තාව සම්මාන 8කින් පිදුම් ලබයි

ශ්‍රී ලංකාවේ බැංකු නොවන ප්‍රමුඛතම මූල්‍ය ආයතනයක් වන පීපල්ස් ලීසිං ඇන්ඞ් ෆිනෑන්ස් සමාගමේ 2018/19 වාර්ෂික වාර්තාව සඳහා ලොව පුරා වාර්ෂික වාර්තා ඇගයීමට ලක් කෙරෙන ප්‍රමුඛතම සම්මාන උළෙලක් වන ARC Awards International -2019 හි මූල්‍ය සේවා (සාමාන්‍ය) අංශයෙන් සම්මාන 8කින් පසුගියදා පිදුම් ලැබීය. වාර්ෂික වාර්තා සඳහා පිදෙන අධ්‍යයන සම්මාන සේ පිළිගැනෙන මෙම ARC Awards International 33 වැනි වරටත් සංවිධානය කරනු ලැබුවේ ඇමෙරිකා එක්සත් ජනපදයේ MerComm ආයතනය වන අතර, මෙවර සම්මාන උළෙල දකුණු කොරියාවේ සෝල් නගරයේ SHILLA Hotelහිදී පැවැත්විණි. වාර්ෂික වාර්තා ඇගයීමට ලක් කෙරෙන ලොව ප්‍රමුඛතම සම්මාන උළෙල වන මෙම ARC Awards International සැලකෙන්නේ ‘වාර්ෂික වාර්තා ඇකඩමි සම්මාන උළෙල (Acadamy Awards of Annual Reports) ලෙසිනි.