මැක්සිකෝවේ නව පාලන ආණ්ඩුව ආරම්භ වූ 2018 දෙසැම්බර් පළමුවැනි දා සිට මේ දක්වා අත් අඩංගුවට ගැනුණු සින්තටික් වැනි කෘත්රිම මත්ද්රව්ය තොග ප්රමාණය සියයට පන්සිය විසි පහකින්(525%)ඉහළ ගොස් ඇත.
එ රට ආරක්ෂක දෙපාර්තමේන්තුවේ වැටලීම් නිලධාරීන් විසින් 2016 සිට 2018 අතර තුන් අවුරුදු කාලය තූළ අත්අඩංගුවට ගනු ලැබූ මත් ද්රව්ය තොගය රාත්තල් 1232 ක් හෙවත් කිලෝ ග්රෑම් 559 කි.
එහෙත් 2019 සිට 2021 අතර තුන් අවුරුචු කාලය තුළ අත් අඩංගුවට ගත් ප්රමාණය රාත්තල් 7,710 හෙවත් හෙවත් කිලෝ ග්රෑම් ප්රමාණය 3,497කි.
මැක්සිකෝවේ ආරක්ෂක ලේකම් ජෙනරජල් ලුයිස් ක්රෙසන්සියෝ සෑන්ඩොවෙල් ප්රකාශ කෙළේ මේ මාරාත්මක තොග චීනෙන් ආනයනය කරන බවකි.
2016 සිට 2018 දක්වා කාලය තුළ අත්අඩංගුවට ගැනුණු රාත්තල් 120,100ට හෙවත් කිලෝ ග්රෑම්54,521ක් වූ මෙත් ද්රව්ය තොගයට වඩා සියයට එකසිය විසි අටක(128%) වර්ධනයකින් යුතු මෙතම්පිටමයින්ස් රාත්තල් 275,000 හෙවත් කිලෝ ග්රෑම් 124,737 ගතවූ තුන්වසර තුළ අත්අඩංගුවට ගැනුණු බව හෙතෙම පැවසුවේය.
මේ සින්තටික් මත් ද්රව්ය පාවිච්චියේ පහසුව සඳහා සහ වෙනසක් ද,වෙළෙඳ පොළ වෙනසක්ද සිදුවී ඇතැයි කී හෙතෙම පෙතිවශයෙන් හෝ වේදනා නාශක මුවාවෙන් ඖෂධ වර්ග සමග හාමු (මුසු)කර නිෂපාදනය කෙරෙන බවද ඊට චීනයේ අපරාධ කල්ලියක් සම්බන්ධ බව ද ආරක්ෂක ලේකම්වරයා පැවසීය.
මේ හේතුව නිසා ඕපියම් වගාකරමින් වෙහෙසෙන්නට අවශ්යවන බවක් පෙනෙන්නට නැතැයි ද පැවසීය.
මැක්සිකෙර්වෙන් ඇමරිකාවට මත්ද්රව්ය තොගයක් ප්රවාහනය කරමින් සිටි ට්රක් රථ රියදුරකු පසුගිය දා අත්අඩංගුවට ගැනීමෙන් මැක්සිකෝවේ කෙරෙන නිෂ්පාදනයේ තරම ද පැහැදිලි විනැයි හෙතෙම වැඩිදුරට ද කීය.
මෙත් නමැති වර්ගයෙන් රාත්තල් 17,500 ක් හෙවත් කිලෝ ග්රෑම් 7,930ක් ද ෆෙන්ටනිල්(වේදනා නාශක)මුවාවෙන් නිෂ්පාදනය කෙරෙන වර්ගයේ මත් ද්රව්ය රාත්තල් 389ක් හෙවත් කිලෝ ග්රෑම් 176ක ට්රැක්ටර් ටේලරයක සඟවා ප්රවාහනය කරමින් සිටියදී සන්තියාගෝවේ ඔටේමෙසා දේශ සීමාවේ දී පසුගිය දා රියදුරා අත් අඩංගුවට ගැනුණු බවද ඇමරිකාවේ නීති දෙපා්ර්තමේන්තුවෙන් නිකුත් කළ නිවේදනයක සඳහන්ය.
ඇමරිකානු රේගු දෙපාර්තමේණ්තුව සහ දේශ සීමා සුරක්ෂණ අංශයේ නිවේදන වලට අනුව වේදනා නාශක මුවාවෙන් පසු ගිය ඔක්තෝබර් මාසයේ පමණක් නිෂ්පාදන ප්රමාණය සියයට හතළිස් දෙකක(42%)වර්ධනයක් අගයක් දැක්වේ.
මැක්සිකෝව සහ චීනය අතර මහා පරිමාණයෙන් කෙරෙන මත්ද්රව්ය ජාවාරම නැවැත්වීමට ජෝ බයිඩන්ගේ ආණ්ඩුවට තමා බලකරන බව රිපබ්ලිකන් පක්ෂයේ සෙනේටර් රොබ් පෝර්ට්මන් “ෆොක්ස්” පවෘත්ති සේවය සමග පසුගිය දාපැවති මාධ්ය සාකච්ඡාවක දී දිව්රා ප්රකාශ කෙළේය.
ඇමරිකානුවන් වාර්තාගත අන්දමින් මරණයට පත්කරවන වේදනා නාශක ලේබලය අලවා වෙළෙඳපොලේ අලෙවි කරවන මත්ද්රව්ය වෙළෙඳාම පිළිබඳව මහජනයා දැනුවත් කිරීමේ වැඩ සටහන් රට පුරා ක්රියාත්මක කරවන බවට ද හෙතෙම ප්රතිඥා දුන්නේය.
මත්දූව්ය අධික ප්රමාණයක් ගැනිම නිසා ඇමරිකානු ඉතිහාසයේ ඉතාම භයානක අන්දමින් වාර්තාගත වූ මරණ සංඛ්යාව 2020 අප්රේල් මාසයේ සිට 2021 අප්රේල් මාසය දක්වා වූ වසරක කාලය තුළ ලක්ෂයක්(100,000)ලෙස අනාවරණය වී ඇති බව වෛදා්ය වාර්තාවල දැක්වේ.
කොවිඩ් වැළඳුණු රෝගීන් බොහෝ දෙනකු වේදනා නාශකයක් ලෙස මේ වර්ගයේ ව්යාජ ඖෂධ භාවිතයෙන් මරණ සංඛ්යාව මෙ සේ ඉහළ ගොස් ඇතිබව ද අනාවරණය වී ඇත.
මත්දූව්ය අර්බුදය සම්බන්ධයෙන් ජෝ බයිඩන් ගේ ආණ්ඩුව මේ වන විට රිපබ්ලිකන් පක්ෂයේ සෙනේටර් රොබ් පෝර්ට්මන් ඇතුළු කණඩායමකගේ දැඩි විවේචනයට පාත්රව ඇත.
“මැක්සිකෝව මෙන්ම චීනය සමග කටයුතු කිරීමට ද බයිඩන් ආණ්ඩුව ප්රවේශම් විය යුතුයි.දේශ සීමාවල පරීක්ෂණ තර කළ යුතුයි.මහා පරිමාණයේ සුරක්ෂා ව්යාපාරයක් ආරම්භ කළ යුතුයි”ඔවුහු දැඩිව අවධාරණය කරති.
චන්ද්රසේන මාරසිංහ
