ඉන්දීය ආර්ථිකය මෝඩි වාර්තාගත ලෙස ඉහළට අරන් එයි!

නව වසරේ සංර්ධනය වෙනුවෙන් සැලසුම් කළ ඉදිරි පියවර අඩපණ කිරීමට කොවිඩ්-19 ඔමික්‍රෝන් වසංගත මාරයාට නොහැකි බවට භාරත අගමැති නරේන්ද්‍ර මෝධි කැට තියා පවසයි.

ඒ සඳහා අවශ්‍ය ආරක්‍ෂාව සහ අවදානය ඉහටත් උඩින් යොදමින් ජාතික අවශ්‍යතා සපුරණ බව ද හෙතෙම කියන්නේය.

කොවිඩ් වසංගතයෙන් මාරාත්මත ප්‍රහාරයක් එල්ල වුව ද ආරක්‍ෂාව, සෞඛ්‍ය,පරිසරය යටිතල පහසුකම් සහ කෘෂිකර්මය වැනි ක්‍ෂෙත්‍රවලින් අත්කරගත් ප්‍රගතිය අති මහත් බව අගමැතිවරයා කීවේය.

භාරතය කොවිඩ් මාරයාට එරෙහිව අති දැවැන්ත ප්‍රහාරයක් එල්ල කළ වර්ෂය වශයෙන් 2021 සඳහන් කළ යුතු යැයි ද මාර(කොවිඩ්) පරාජය සඳහා මාත්‍රා කෝටි එකසිය හතළිස් පහක්(1.45,00,00,000 ජාත්‍යන්තරයට පරිත්‍යාග කළ බව සඳහන් කළ යුතු යැයි ද මෝධි කියයි.

ගෙවුණු වර්ෂයෙදී විවිධ ක්‍ෂේත්‍ර ගණනාවක ප්‍රගමනය උදෙසා වේගවත් මෙහෙයුමත් ක්‍රියාත්මක කළා පමණක් නොව නව්‍ය යටිතල පහසුකම් ව්‍යාපෘති ගණනාවක් ආරම්භ කළ බව ද සඳහන් කළේය.

අපට තවත් සංවර්ධන පියවර ගණනාවක්ම කඩිනම් කළ යුතුව ඇත.කොරෝනා වසංගතය අපට අභියෝගයක් තමයි.එ හෙත් එය අපට පරාජය කළ නොහැකි තර්ජනයක් නෙමෙයි.

ඔක්තෝබර් 6 වැනිදායින් පසුව එකම දිනයක කොරෝනා ආසාදිතයන් 22,775 දෙනකු පසුගිය සෙනසුරාදා වාර්තා වුණා. ඒ වන විට වාර්තා ගත ඔමික්‍රෝන් ආසාධිත සංඛ්‍යාව 1,431 යි. කිසාන් :ණෂී්භ*යෝජනා ක්‍රමය(ව්‍යාපෘතිය)සඳහා දහ වැනි වාරිකය පිරිනැමූ අවස්ථාවේදී භාරත අගමැති නරේන්ද්‍ර මෝධි එ සේ කීවේය.

භාරත සංවර්ධන වේගය සියයට අට(8%)ඉක්මවා ඇතැයි ද,විදේශීය ආයෝජනවල නොසෑහෙන ප්‍රගතියක් ඇත්වී ඇතැයි ද අගමැතිවරයා අවධාරණය කෙළේය.
විදේශ සංචිතය මෙන්ම දළ දේශීය නිෂ්පාදනය ද ඉහළ අගයකට ළඟාවී ඇතිබවද අපනයන අගය ඩොලර් බිලියන400 ඉක්මවා ඇතැයි ද විස්තර කෙළේය.

අපනයන ක්‍ෂෙත්‍රයේ නව ආරක රටාවක් ස්ථාපනය කර ඇතැයි ද විශේෂයෙන් ඊට කෘෂිකර්මාන්තය පෙරටුකර ගෙන ඇතැයි ද කී අගමැති මෝධි පුරවැසියන්ගේ සිවිල් ජීවිතයේ ද විශාල වෙනසක් ඇති කෙරෙන බව පැවසුවේය.

දැනට යුවතියකගේ විවාහවීමේ අවම වයස් සීමාව දහ අටක්(18)වුවද ඒ වයස අවුරුදු විසිඑක(21)දක්වා වැඩිකිරීමේ මූලික කටයුතු ක්‍රියාත්මක කෙරෙන ඉන්දියාාවේ ජාතික ආරක්‍ෂක අධ්‍යාපනික ආයතනයට සහ හමුදා පුහුණු විදුහලට ඇතුළුවීමේ fදාරටු කාන්තා පාර්ශවයට ද විවෘත කර දෙන බවට ද ප්‍රතිඥා දුන්නේය.

පරිවර්තනය චන්ද්‍රසේන මාරසිංහ