චීන රක්ෂණ සමාගම් බංකොලොත් වෙයි!

ඕස්ටේ්‍රලියාවේ ස්ථාපිත ණය පහසුකම් සැපයෙන චීන රාජ්‍ය රක්‍ෂණ ආයතනයක් සම්පූර්ණයෙන්ම බංකොලොත් වී ඇතැයි ඕස්ටේ්‍රලියානු පාර්ලිමේන්තුව නම්කරනු ලැබිණි.

ඔස්ටේ්‍රලියානු පාර්ලිමේන්තුව මෙසේ නම්කරන ලද්දේ “චෛනා ටෛ පිං” රක්‍ෂණ ආයතනය බව සිඩ්නි මෝනිං පුවත්පත කියයි.

මේ කියන රක්‍ෂණ සමාගම පසුගිය වර්ෂයේ දී “මාධ්‍ය පාලනය” පිළිබඳ උපදේශන දීම සඳහා ඕස්ටේ්‍රලියනු මහජන සම්බන්ධතා පිළිබඳ ආයතනයක් වන “බ්ලූචිප් කොමියුනිකේෂන්” ආයතනය සමග ඒකාබද්ධවී තිබේ.

කෙසේ වෙතත් මේ රක්‍ෂණ ආයතනය සාගොන් පළාතේ විශ්‍රාම වැටුප් මුදල් සම්බන්ධ අවිධිමත් ව්‍යාපෘතියක් ද ආරම්භ කර තිබේ.

එහෙත් එකී ව්‍යාපෘතිය යටතේ 2019 සැප්තැම්බර් සහ දෙසැම්බර් යන කාර්තුවලට අයත් පොලිය හෝ තමන්ට නොලැබුණු බව ඊට දායක වූ පිරිසක් කියති.

එහෙත් ටෛපිං ආයතනය පවසන්නේ ඒ ගෙවීම් ඊට සතියකට පෙර ගෙවා අවසන් කළ බවකි. කෙසේ වෙතත් මේ ණය ගෙවීමේ නොහැකියාවේ ආරවුල් මධ්‍යයේ ආයතනය ඈවර කිරීම සඳහා පරිපාලන නිලධාරියකු පත්කළ බවද මෝනිං සිඩ්නි හෙරල්ඩ් පුවත්පත කියයි.

සිද්ධියට අදාළ ලේඛන පාර්ලිමේන්තු සභාගත කළ ෆෙඩරල් මන්ත්‍රී රිම් විල්සන් ප්‍රකාශ කෙළේ ටෛපිං හෝල්ඩිංස් ආයතනයේ සියයට 90%ක්ම චීන රජයේ මුදල් අමාත්‍යාංශය සතු බවයි. චීන ටෛපිං හෝල්ඩිංස් ආයතනය විසින් ඕස්ටේ්‍රලියානු මහජන සම්බන්ධතා ආයතනය වන බ්ලූචිප් කොමියුනිකේෂන් ආයතනය පවරාගනු ලැබීමට ක්‍රියාකරන බවයි.

ටෛපිං හෝල්ඩිංස් ආයතනය ඕස්ටේ්‍රලියානු මහජන සම්බන්ධතා ආයතනය සිය සහෝදර ආයතනය වශයෙන් මේ දක්වා පවත්වාගෙන ගොස් ඇති බවද ෆෙඩරල් මන්ත්‍රී රිම් විල්සන් ප්‍රකාශ කෙළේය.

කෙසේ වෙතත් බ්ලූචිප් කොමියුනිකේෂන් ආයතනය හෝ එහි කාර්යමණ්ඩලය හෝ මෙවැනි ණයගැතිභාවයක් ගැන හෝ එවැනි සදෝෂී ක්‍රීයාවක් ගැන හෝ නොදන්නා බව ගැලෝවේ කියයි.

ඕස්ටේ්‍රලියාවේ සිඩ්නි නගරයේ සිටින චීන ටෛපිං හෝල්ඩිංස් ආයතනයේ නේවාසික නියෝජිත ප්‍රධාන විධායක නිලධාරි ඩොමින්ගෝ සෝ 2020 ජනවාරි 30 වැනි දාතමින් එවන ලද විද්‍යුත් තැපෑලක (ඊ මේල්) සඳහන් කර ඇත්තේ තම ආයතනය මාධ්‍ය පාලනය උදෙසා වන යෝජනා සහ උපදේශන ත්‍රියාත්මක කිරීම පිණිස බ්ලූචිප් කොමියුනිකේෂන් ආයතනය කුලියට ගත් බවක් යැයි මේ සම්බන්ධයෙන් සිඩ්නි මෝනිං පුවත්පත ප්‍රවෘත්තියක් පළකර ඇත.

අභ්‍යන්තරික වාර්තා සහ ලේඛනවලින් අනාවරණ කෙරෙන අන්දමට ටෛපිං හෝල්ඩිංස් සමාගම හා ඈඳුණු සෙසු සහෝදර ආයතන දෙක වන ටෛපිං භාරය TIPING TRUSTEES සහ ටෛපිං මූල්‍ය සමාගම TIPING FINANCIAL HOLDINGS යන ආයතන දෙකට වඩා ටෛපිං රක්‍ෂණ සමාගම මාධවලින් ඉස්මතු කිරීම වැළැක්වීමට චීන බලධාරීන් උත්සාහයක් දරන බවද ඇඟවේ.