Dell ව්‍යාපාර සමුළුවේදී Softlogic IT සම්මාන ද්විත්වයකින් පිදුම් ලබයි.

ශ්‍රී ලංකාවේ ප්‍රමුඛතම තොරතුරු තාක්ෂණ විසඳුම් සම්පාදකයකු වන සොෆ්ට්ලොජික් ඉන්ෆෝමේෂන් ටෙක්නොලජීස් (Softlogic Information Technologies) විසින් පසුගියදා අවසන් වූ, ආසියානු නැගී එන වෙළඳපළ සඳහා වූ Dell හවුල්කාරීත්ව ව්‍යාපාර සමුළුවේදී සුවිශේෂී සම්මාන ද්විත්වයක් ජයග්‍රහණය කරනු ලැබීය. මෙම සම්මාන උළෙල මාර්ගගත ආකාරයට පසුගියදා පැවැත්වුණු අතර, එහිදී සොෆ්ට්ලොජික් IT විසින් Dell පාරිභෝගික විසඳුම් සඳහා හොඳම හවුල්කරුවාට හිමි සම්මානය සහ දත්ත මධ්‍යස්ථානය සහ ගණනය කිරීම් (Data Center and Compute) සඳහා හොඳම හවුල්කරුවාට හිමි සම්මානය ජයග්‍රහණය කරන ලදී.

මෙම සම්මාන ජයග්‍රහණය තුළින් සොෆ්ට්ලොජික් IT විසින් දේශීය වෙළඳ පොළ වෙත ඉදිරිපත් කර ඇති Mouse සිට Cloud දක්වා වූ අද්විතීය තාක්ෂණික විසඳුම් සම්පාදකයා ලෙස, වෙළඳ පොළ තුළ සිය ආධිපත්‍ය සහ අඛණ්ඩ පාරිභෝගික විශ්වාසය නැවතත් තහවුරු කිරීමට සමත් විය.

දශක දෙකකට වැඩි කාලයක සිට Dell ශ්‍රී ලංකා සඳහා වූ එකම ටයිටේනියම් මට්ටමේ හවුල්කරු ලෙස සොෆ්ට්ලොජික් විසින් දේශීය තොරතුරු තාක්ෂණ අවශ්‍යතා මැනවින් හඳුනා ගනිමින්, වෙනස්වන වෙළඳ පොළ අවශ්‍යතා රැසක් සඳහා විවිධ තාක්ෂණික විසඳුම් ඉදිරිපත් කරමින් සිටියි. සොෆ්ට්ලොජික් IT සිය Dell නිෂ්පාදන සම්බන්ධයෙන් දිවයින පුරා පාරිභෝගික විශ්වාසය සුරකමින් ඉතා විශ්වාසදායක සේවා ගිවිසුම් සහ අලෙවියෙන් පසු විශිෂ්ට සේවාව, වගකීම් කාලය ඇතුළු විවිධ සේවා රැසක් සපයමින් තරඟකාරී වෙළඳ පොළ ඉදිරියෙන්ම සිටින ආයතනයක්ද වේ.