සෙලාන් පොතුවිල් ශාඛාව නව ස්ථානයකට

සුහද හදක් ඇති දේශීය බැංකුව, සෙලාන් බැංකුව මෑතකදී සිය පොතුවිල් ශාඛාව, වඩාත් ඉඩ පහසුකම් සහිත ස්ථානයක ස්ථාපනය කළේ සිය වටිනා පාරිභෝගිකයින්ට අසමසම බැංකු සේවාවක් සැපයීම අරමුණු කර ගෙනය. නව ශාඛාව ප්‍රධාන වීදිය, පොතුවිල් නගර, පොතුවිල් 12 යන ස්ථානයේ පිහිටා ඇත.

ඉඩකඩ සහිත නව ශාඛාව තුළින් සිය පාරිභෝගිකයින්ට සුවිශේෂ අවධානයක් යොමු කරමින්, පෙරටත් වඩා විශිෂ්ට පාරිභෝගික සේවාවක් ලබා දීමට සෙලාන් බැංකුව බලාපොරොත්තුවේ. නව ශාඛාව ගනුදෙනුකරුවන්ට ඉක්මනින් හා පහසුවෙන් ළඟා විය හැකි ස්ථානයක පිහිටා ඇති අතර සෑම සතියේ දිනකම උදෑසන 9 සිට සවස 3 දක්වා විවෘතව පවතී.

සුහද හදක් ඇති දේශීය බැංකුව වන සෙලාන් බැංකුව, සීග්‍රයෙන් වර්ධනය වන, නවීන තාක්ෂණයෙන් යුතු නවෝත්පාදන සේවා මෙන්ම බැංකුකරණ ක්‍ෂේත්‍රයේ හැරවුම් ලක්ෂ්‍යයක් සනිටුහන් කරන පාරිභෝගික අත්දැකීමක් හිමිකර දීමට කැපවී සිටී. සීග්‍රයෙන් වර්ධනය වන සුළු හා මධ්‍ය පරිමාණ, පාරිභෝගික සහ ආයතනික පාරිභෝගික පදනමකට හිමිකම් කියන සෙලාන් බැංකුව, දිවයින පුරා විහිදුණු 172ක ශාඛා සහ 216ක ATM ජාලයකට හිමිකම් කියයි.