උඩ-යට මාරු කළ කණපිට පාලම

බැලූ බැල්මට මෙය කොතරම් මෝඩ වැඩක් දැයි සිතෙන මෙම පාලම පිහිටා ඇත්තේ උලපනේ ප්‍රදේශයේය. නිතර දක්නට ලැබෙන ආකාරයේ උඩට යෙදෙන පාලම් ඇඳි මෙම පාලමේ යට පැත්තෙන් සවිකර ඇති හෙයින් ගැමියන් මෙය ‘මෝඩයාගේ පාලම’ හෝ ‘කණපිට පාලම’ ලෙස හැඳින්වීමට පුරුදුව සිටිති.

එවකට බි්‍රතාන්‍ය යටත්විජිත සමයේ වතුවල බඩුබාහිරාදිය පැටවූ තවලම් කරත්තවලට යෑමට පහසුවන අයුරින් සකස් කළ මෙම පාලම අද ද ඉතා ශක්තිමත් මට්ටමක ඇතත් අද වෙද්දි එය භාවිතයට ගැනෙන්නේ නැත. එහෙත් ඉන්ජිනේරු තාක්‍ෂණය ගැන දන්නා විද්වතුන්ගේ මතයට අනුව නොදන්නා කෙනකුට මෙය මෝඩ ඉදිකිරීමක් යැයි සිතුණද මෙම පාලම ඉදිකර ඇත්තේ පාලම් ඉදිකිරීමේ නිවැරැදිම තාක්‍ෂණයට බවයි පිළිගැනෙන්නේ. කෙසේ නමුදු පිළිසකර නොකිරීම හේතුවෙන් මෙය අද වෙද්දී විනාශ වෙමින් තිබෙන බවයි පෙනී යන්නේ.