BOC හා DRP අතර අවබෝධතා ගිවිසුමක්

දිවයිනේ අංක එකේ බැංකුව මෙන්ම වගකිවයුතු රාජ්‍ය ආයතනයක් වශයෙන් ලංකා බැංකුව (BOC) පසුගියදා ඉතා සුවිශේෂී වැඩසටහනකට මුලපුරනු ලැබීය.

මෙරට මූල්‍ය පද්ධතියෙහි ගුණාත්මක බව වැඩි කිරීම වෙනුවෙන් ශ්‍රී ලංකා මහ බැංකුව මඟින් ප්‍රකාශිත ගනුදෙනුකරුවන් හඳුනාගැනීමේ රෙගුලාසිවලට අනුකූලව, ගනුදෙනුකරුවන්ගේ වලංගුභාවය හඳුනා ගැනීමේ ක්‍රමවේදය තව තවත් ක්‍රමවත් කිරීමට මෙහිදී පියවර ගැනිණි. ලංකා බැංකුව (BOC) හා පුද්ගලයින් ලියාපදිංචි කිරීමේ දෙපාර්තමේන්තුව (RDP) අත්වැල් බැඳගනිමින් ගනුදෙනුකරුවන්ගේ හා ඔවුන්ගේ ලිපි ලේඛනවල නිරවද්‍යතාව පරීක්ෂා කර බැලීම සඳහා ජාතික හැඳුනුම්පත් අංකය භාවිතා කිරීමේ ක්‍රමවේදය පුළුල් කිරීම මෙහිදී සිදුකෙරෙන අතර, ඒ වෙනුවෙන් මෙම ආයතන දෙක අතර අවබෝධතා ගිවිසුමක් අස්සන් කෙරිණි.

මෙහිදී ‘පුරවැසි තොරතුරු සඳහා මධ්‍යම පදනම’ ඔස්සේ (DRP) සමඟ (BOC) සම්බන්ධ වේ.