අපරාධ වැඩි කරල සුද්දා හොයපු සල්ලි

සුදු පාලකයා මෙරට බලය අත්පත් කරගෙන සිටියදී හිටි අඩියේ වගා පාඩු වීමෙන් වෙළෙඳාම අඩු වීමෙන් පාඩු විඳින්නට සිදුවූ අතර එම පාඩුව පියවා ගැනීම උදෙසා ඔවුන් සුදුසු උපක්‍රම සෙවීය. ඒ අනුව තීරණය වූයේ සුරාසැල් විවෘත කොට ආදායම වැඩිකර ගැනීමය. එම තීන්දුවට අනුව එවකට සිටි ජනයා මත්පැනට හුරු කිරීම සඳහා සුරාසල් රට පුරා විවෘත කෙරුණු අතර ඉන් රජයේ ආදායම ශීඝ්‍රයෙන් ඉහළ ගිය අතර ඊට සාපේක්ෂව මෙරට අපරාධ ඉහළ ගියේය. ඒ අනුව සුදු පාලකයා සිය ආදායම ගැන සිතා මෙරටට සිදුකළ විශාලතම හානියක් ලෙස සුරාසල් හඳුන්වාදිය හැක.