කුකුළාපොළ කිරිඅම්මා කුවේණිද

බොහෝමයක් බෞද්ධ නිවෙස්වල පත්තිනි මෑණියන් උදෙසා බාරහාර වීමෙන් පසු එම බාරහාර නිදහස් කරනුයේ කිරි අම්මාවරුන්ට දානයක් දීමෙන් අනතුරුවය. මෙය විවිධ ප්‍රදේශ අනුව වෙනස් ආකාරයන්ට ඉෂ්ට සිද්ධ කළද එකම අරමුණ වන්නේ පත්තිනි මෑණියන් උදෙසා සිය පූජාවන් පිරිනැමීමය.

කිරි අම්මාවරුන්ගේ පූජාවේදී පත්තිනි මෑණියන්ට ප්‍රධාන තැන හිමිවන අතර, ඉන්පසු සැඩකුමාරි කිරිඅම්මා, හඳුන් කුමාරි කිරිඅම්මා, ඉඳිගොල්ලේ කිරිඅම්මා, ඌනපාන කිරිඅම්මා, කොස්ගම කිරිඅම්මා, කැකුළාපොළ කිරිඅම්මා ආදී වශයෙන් අම්මාවරු රාශියක් ඇදහීමට පාත්‍ර වෙති. එසේම සැඩකුමාරි සහ හඳුන් කුමාරි යන නම්වලින්ද හඳුන්වන්නේ පත්තිනි මෑණියන්ම බව පොතපතෙහි සඳහන් වෙයි. එමෙන් කැකුළාපොළ කිරිඅම්මා යනුවෙන් හඳුන්වන්නේ සිය පන්දම් රැකගත් ඒ වෙනුවෙන් දිවි කැප කළ කුවේණිය බව පැවසෙයි.