ලංකා බැංකුව පානදුර ශාඛාව නව නිවහනකට

පානදුර පුරවරයේ ජනතාවට වැඩි ඉඩ පහසුකම්වලින් හෙබි වටපිටාවක බැංකු කටයුතු ඉටුකර ගැනීමට ඩිජිටල් බැංකුකරණයේ පහසුවත් සමඟින් පානදුර නගර ශාඛාව නො. 17, ජයතිලක මාවත, පානදුර යන ලිපිනයෙහි පසුගියදා නව නිවහනක ස්ථාපිත විය. මෙම අවස්ථාව සඳහා ලංකා බැංකුවේ සභාපති නීතිඥ කාංචන රත්වත්තේ, මහා කළමනාකරු ඩී.පී.කේ. ගුණසේකර යන මහත්වරුන් ඇතුළුව ආයතනික හා විධායක කළමනාකාරීත්වයේ මහත්ම මහත්මීන්, ශාඛා කාර්ය මණ්ඩලය සහ ගනුදෙනුකරුවන් සහභාගි වූහ.

ප්‍රදේශයේ ගනුදෙනුකාර ප්‍රජාවගේ ජීවන තත්ත්වය ඉහළ නැංවීම උදෙසා මහත් මෙහෙයක් ඉටුකරන පානදුර නගර ශාඛාව ගනුදෙනුකරුවන්ට වඩාත් පහසුවෙන් ගනුදෙනු කළ හැකි වාතාවරණයක් නිර්මාණය කරමින් නූතන ඩිජිටල් බැංකුකරණ සංකල්පයන් හා අනුගත වෙමින් නව නිවහනක ප්‍රතිස්ථාපනය වීම සැබැවින්ම ගනුදෙනුකරුවන්ට නවමු අත්දැකීමක් වනු ඇත. සහකාර මහා කළමනාකරු (බස්නාහිර පළාත – දකුණ) ඩබ්.කේ.එල්.බී.එන්. සමන්ති මහත්මිය සහ බස්නාහිර පළාත් දකුණ කාර්යාලයේ කාර්ය මණ්ඩලය මෙම අවස්ථාව සාර්ථක කර ගැනීමට සඳහා නොමඳ දායකත්වයක් ලබාදුණි.