සංවර්ධන ලොතරැයි මණ්ඩලයේ ලොතරැයිපත් කෙටි පණිවිඩයකින් හෝ USSD මගින්

ලොතරැයි අලෙවි ක්‍ෂේත්‍රයට නව තාක්ෂණික අත්දැකීම් රැසක් එක් කළ සංවර්ධන ලොතරැයි මණ්ඩලය තවත් නවමු පියවරක් ලෙස තම පාරිභෝගික මහත්ම මහත්මීන්ට ජංගම දුරකතනය හරහා කෙටි පණිවිඩයක් (SMS) මාර්ගයෙන් හෝ ඇමතුමක් (USSD) මාර්ගයෙන් ලොතරැයි මිලදී ගැනීමේ අවස්ථාව උදාකර දීමේ මූලික නියමු පියවර 2020.12.03 සිදුකරන ලදී.

ඩයලොග් සහ මොබිටෙල් දුරකතන සම්බන්ධතා භාවිතා කරනු ලබන පාරිභෝගිකයන් සඳහා දැනට මෙලෙස ජංගම දුරකතනයෙන් ලොතරැයි මිලදී ගැනීම සිදුකළ හැකි අතර ඉදිරියේදී අනෙකුත් සියලුම දුරකතන සම්බන්ධතා හිමි පාරිභෝගිකයන් සඳහා මෙම අවස්ථාව හිමිකර දීමට නියමිතය.

දෙසැම්බර් මස 15 වනදායින් පසුව ජංගම දුරකතනය හරහා ලොතරැයිපත් මිලදී ගැනීමේ මෙම අවස්ථාව උදාවන අතර එහිදී ඔබට අවශ්‍ය ලොතරැයිපත් කෙටි පණිවිඩයක් හෝ දුරකතන ඇමතුමක් මාර්ගයෙන් මිලදී ගැනීමට පාරිභෝගිකයින්ට හැකියාව ඇත.