අසාධ්‍ය අසනීප රෝග සඳහා පූර්ණ රැකවරණයක් සලසන SuperCI ප්‍රතිලාභය හඳුන්වා දෙයි

HNB ඇෂුවරන්ස් PLC (HNBA) මෑතකදී ශ්‍රී ලාංකික ජනතාව මුහුණදිය හැකි බරපතළ රෝගාබාධ රැසක් ජයගැනීමට මූල්‍ය සවියක් සලසන SuperCI රක්ෂණ ප්‍රතිලාභය දියත් කළ බව නිවේදනය කළේය. ජීවිතයේදී මුහුණදිය හැකි විවිධාකාර අසාධ්‍ය රෝග සඳහා පූර්ණ රැකවරණයක් සලසන මෙම විප්ලවීය ආවරණය සේවාලාභීන් හට සිතේ සැනසුම උදාකර දීමේ මූලික ඉලක්කයන් සකසන ලදී. මෙහි ප්‍රධාන ප්‍රතිලාභයන් අතර පිළිකා, හෘද රෝග වැනි බරපතළ රෝග තත්ත්වයන් 32ක් සඳහා අසමසම ප්‍රතිලාභ රැසක් හඳුන්වාදී තිබීම විශේෂත්වයකි.

HNBA සහ HNB ජෙනරල් ඉන්ෂුවරන්ස් ලිමිටඞ් (HNBGI)හි ප්‍රධාන විධායක නිලධාරි ප්‍රසන්න ප්‍රනාන්දු මහතා අදහස් දක්වමින් පැවැසුවේ “ශ්‍රී ලාංකික ජන සමාජයේ අවශ්‍යතා මැනවින් තේරුම්ගත් අප ලාංකික ජනයා මුහුණදෙන ප්‍රබලතම අභියෝගයක් ලෙස බරපතළ රෝගී තත්ත්ව හඳුනාගෙන ඇත. එබැවින් මෙම අවශ්‍යතාවට නිසි විසඳුමක් ලබාදීමට අප දැඩි අවධානයක් යොමුකළෙමු. HNBA SuperCI හඳුන්වා දෙනු ලැබුවේ මෙම පරමාර්ථය ඉටුකිරීමටයි. බරපතළ රෝගාබාධවලට මුහුණදී ඉන් ජය ගැනීමට මෙන්ම උසස් ජීවන රටාවක් පවත්වාගෙන යෑමට අවශ්‍ය මූල්‍යමය සුවපහසුව මෙම ප්‍රතිලාභය සලසා දෙයි. SuperCI ප්‍රතිලාභය, බරපතළ රෝග 32ක් සඳහා මූල්‍ය ප්‍රතිලාභ සලසා දෙන අතර, ප්‍රධාන වශයෙන් ශ්‍රී ලාංකිකයන් හට වැලඳීමට ඉහළ අවදානමක් ඇති පිළිකා රෝග සහ හෘද රෝග තත්ත්වයන් සඳහා විශිෂ්ට ප්‍රතිලාභ සලසයි. යහපත් සෞඛ්‍යයක් පවත්වාගන යෑම මිල කළ නොහැක. ඒ නිසාම මේ පිළිබඳව නිරන්තරයෙන් ජනතාව දැනුවත් කිරීම මෙන්ම SuperCI වෙතින් පිරිනමන ප්‍රතිලාභ ඔස්සේ අපගේ සේවාලාභීන් හට සුව ශක්තියෙන් පිරි දිවියක් උදාකර දීම අපේ අරමුණයි.”