.
ගුරු මාරුවක් හින්දා නගරයෙන් ගමට එන සුධර්මා ගහන අමුතු ගැටය ගැන අපි කාටවත් තවම හිතාගන්න බැරි තරම්. ‘ගේට්ටුවා’ ටෙලිනාට්යයේ සුධර්මා ලෙසින් ඔබ හමුවට එන වගීෂා ඉෂාන්ති සමගයි ‘හාට්’ අපේ මේ කතාබහ. Sri Lanka Latest News
මේ දවස්වල ‘ගේට්ටුවා’හි සුධර්මා හරි ජනප්රියයි?
සුධර්මා චරිතය ගැන තමයි මගතොටේදී හමුවෙන අය කතා කරන්නේ. ඇයි මේ තරම් කපටි කියලා අහනවා. මම ඉතින් ඒ වෙලාවට පොඩි හිනාවක් දාලා එයට ප්රතිචාර දක්වනවා.
ඔබේ ආදරණීය සැමියාගේ නිෂ්පාදනයක් ‘ගේට්ටුවා’?
ඔව්. මගේ සැමියා තමයි මලිත් කුලතිලක. ‘ගේට්ටුවා’ ටෙලිනාට්යය අධ්යක්ෂණය කරන්නේ ලසිත කාරියවසම්. මට මගේ සැමියා හමුවෙන්නත් කලින් තමයි ඔහු ‘ගේට්ටුවා’ ටෙලිනාට්යය නිෂ්පාදනය කරලා තියෙන්නේ. ටෙලිනාට්යය විකාශය වෙන්න ලොකු කාලයක් ගතවුණා. ඉදිරියේදී තවත් නිර්මාණ දැකබලාගන්න පුළුවන්.
ඔබේ ආදරණීය සැමියාගේ තේරීමක්ද සුධර්මා චරිතය?
මම කවදාවත් මගේ සැමියා ටෙලිනාට්ය නිෂ්පාදනය කළා කියලා චරිත ඉල්ලගෙන රඟපාලා නැහැ. මට ගැළපෙන චරිතයක් තිබුණොත් ඔහු මට කතා කරනවා. සුධර්මා චරිතයට මම සම්බන්ධ වුණේ ටෙලිනාට්යයේ අධ්යක්ෂ ලසිත කාරියවසම්ගේ ආරාධනාවක් මතයි. රඟපෑවේ නැහැ කියලා මම සැමියාගේ නිර්මාණවලට උදව් නොකර ඉන්නේ නැහැ. මට පුළුවන් විදියට ඔහුගේ වැඩකටයුතුවලට උපරිම සහාය දෙනවා. මමත් කැමැති ඔහු මේ ක්ෂේත්රයේ වැඩකටයුතුවලට සම්බන්ධ වෙන එකටයි.
වගීෂා මුලින්ම අපට දැකගන්න ලැබුණේ වෙළෙඳ දැන්වීම් හරහා?
මම ටෙලිනාට්යවලට ලොකුවට සම්බන්ධ වුණේ නැහැ. මම මුල්ම කාලයේ නිරූපණ ක්ෂේත්රයේ තමයි වැඩ කළේ. 2018 ජාතික රූපවාහිනියේ අවුරුදු කුමරිය වුණා. මම ගොඩක්ම කැමැති වෙළෙඳ දැන්වීම්වලට තමයි. ප්රේක්ෂකයන් මගේ රංගනය හඳුනාගත්තේ ‘වත්සුණු’ ටෙලිනාට්යය හරහා.
ටෙලිනාට්ය රංගනයට සම්බන්ධ වෙන්න ආරාධනා අඩුද?
ආරාධනා අඩුවක් නැහැ. මට පුතෙක් ඉන්නවා. එයාට අවුරුදු 3යි. පුතාගේ කටයුතු වෙනුවෙන් තමයි මම මුළු කාලයම වෙන් කරලා තියෙන්නේ. ටෙලිනාට්ය සඳහා සම්බන්ධ වෙනවා අඩු ඒ නිසයි. ‘ගේට්ටුවා’ ටෙලිනාට්යයට මම ගියෙත් අපේම නිර්මාණයක් නිසයි.
වසන්ත විතාරණගේ
