යූටියුබ් ඔස්සේ සිය ගමන ආරම්භ කරමින්, අද ටෙලි තිරයේත් ආදරය දිනාගත් ඔහු තරුණ රංගන ශිල්පියෙක්. රටක් ආදරය කරන ලෝචිගේ යූටියුබ් නිර්මාණ සමග එක්වෙමින් ජනප්රියත්වයට පත්ව ආදරණීය චරිත රැසක් හරහා ප්රේක්ෂක හදවත් වෙත සමීපව ‘ජොසියා’ ලෙසින් වඩාත් ප්රසිද්ධියට පත් ඔහු නමින් කවිඳු යසස්. ඉතින් අද ‘මව්රට’ ‘හාට්’ කතාබහට එක් වූයේ ඔහුයි.Sri Lanka Latest News
කවිඳු කියන්නද ජොසියා කියලා කතා කරන්නද?
කැමැති විදිහට කතාකරන්න කිසි අවුලක් නැහැ.
කොහොමද කවිඳු ‘ජොසියා’ වුණේ ?
ඒක පොඩි කාලේ යාළුවෝ සෙල්ලම් කරද්දී දාපු නමක්.
ඒ කියන්නේ ලෝචිගේ චැනල් එකට හැදුණු නමක් නෙමෙයි?
නැහැ. ජොසියා කියන නම ලෝචි අක්කා එක්ක වැඩ පටන් ගන්නකොටම හැදිලා තිබුණෙ. යාළුවෝ හැමෝම මාව දන්නෙත් ජොසියා කියන නමින්.
කවිඳුට කොහොමද ලෝචිව හඳුනා ගන්න ලැබෙන්නේ?
අපි දෙන්නම කැස්බෑවේ. ගමේ වුණාට අපි එකිනෙකා දැන හඳුනාගෙන තිබුණේ නැහැ. මම ලෝචි එක්ක සම්බන්ධ වෙන්න කලින් පොඩියට තනියම යූටියුබ් චැනල් එකක් කළා. ලෝචි අක්කා කෙනෙක්ව හොයලා තිබුණා වැඩකට. ඊට පස්සේ ලෝචි අක්කගේ චැනල් එකේ ඉන්න චමත් අයියා මාව යෝජනා කළාට පස්සේ තමයි මට ලෝචි අක්කා එක්ක සම්බන්ධ වෙන්න පුළුවන් වුණේ. ඒ දැනට අවුරුදු හතරකට පහකට ඉහතදි.
ලෝචි නිසා ඔබේ ජීවිතේ වෙනස් වුණා නේද?
මගේ ටර්නින් පොයින්ට් එක තමයි ලෝචි අක්කා. මාව ප්රේක්ෂකයන් අතරට ගෙනගියේ ලෝචි අක්කගේ යූටියුබ් චැනල් එක නිසා.
ලෝචිගේ දැන් වැඩ ගොඩකට සම්බන්ධ වෙලා ඇති?
ගණන් කරලා කියන්න බැරි තරම් කන්ටෙන්ට් ප්රමාණයකට සම්බන්ධ වුණා. යූටියුබ් ඇතුළුව සම්බන්ධ වූ සියලු නිර්මාණ දෙසීයකට වැඩි මිසක් අඩු නැහැ.
කැමරාවකට මුහුණ දුන් පළමු රංගන අත්දැකීම?
යූටියුබ් එකෙන් තමයි මට ඒ අත්දැකීම ලැබුණේ.
මේ දිනවල වැඩකටයුතු?
සුපුරුදු විදිහට ලෝචි අක්කගේ වැඩ ටික කරගෙන යනවා. ඊට අමතරව ටීවී දෙරණ නාලිකාවේ ‘මං ආදරෙයි’ ඩ්රාමා එකේ ෂූටිං කරගෙන යනවා.
‘මං ආදරෙයි’ ඩ්රාමා එකට සම්බන්ධ වෙන්න අවස්ථාව ලැබුණේ කොහොමද?
ශලිනි ෆර්නැන්ඩු අක්කාගේ ආරාධනාවකින් තමයි සම්බන්ධ වෙන්න ලැබුණේ. මුලින්ම මට කතා කළේ හර්ෂ උඩකන්ද අයියා අධ්යක්ෂණය කරපු ‘ප්රාර්ථනා’ නාට්යයට. නමුත් මං ඒ කාලේ කරපු ජොබ් එක නිසා මට ඒකට සම්බන්ධ වෙන්න බැරි වුණා. ඉන් පස්සේ තමයි මේ නාට්යයට සම්බන්ධ වුණේ.
දැන් ඔබ ජොබ් එක අතහැරලද ඉන්නේ?
ඔව්. දැන් ජොබ් එක අතහැරලා රංගනයට මුල්තැන දීලා ඉන්නේ. ජොබ් එක එක්ක රංගන කටයුතු කරන්න අපහසු නිසා.
කවිඳුට මතකද ජීවිතේ වැඩියෙන්ම සතුටු වුණු දවස?
ලෝචි අක්කා එයාගේ යූටියුබ් වැනල් එකට කතා කරපු දවසේ තමයි ගොඩක්ම සතුටු හිතුණේ.
රංගනයේදි අමතක නොවන මතක?
අසුන්දර මතකයක් තියෙනවා. ‘මං ආදරෙයි’ ඩ්රාමා එකේ තේමා ගීතය ෂූට් කරන්න යෙදුණු දවසේ තමයි මගේ තාත්තා නැති වුණේ. ඉතින් මට රූගත කිරීම්වලට යන්න වුණේ නැහැ. ලෝචි අක්කගේ වැඩකදි අමුඩයක් ඇදගෙන මඩ නාගෙන මගේම වාහනෙ පැදගෙන ගියපු අවස්ථාවකුත් තියෙනවා කඩවත පැත්තේ කළ රූගත කිරීමකින් පස්සේ. ඒ මතකයත් අමතක කරන්න බැහැ.
ඉදිරි බලාපොරොත්තු?
රඟපාන්න තිබුණු ආසාව නිසා තමයි මම ජොබ් එකෙන් අයින් වෙලා රංගනයට යොමු වුණේ. ඉතින් කලාව පැත්තෙන් ඉදිරියට යන්න බලාපොරොත්තු වෙනවා.
