OPPO අලුත්ම තාක්‍ෂණයක් හඳුන්වාදෙයි

OPPO සමාගම තම නවතම නිෂ්පාදන වන 125W flash charge සහ 65W AirVOOC wireless flash charge තාක්ෂණයන් සමග ඉතා කුඩා ජංගම ආරෝපණ උපාංග දෙකක් වන 50W mini SuperVOOC charger සහ 110W mini flash charger හඳුන්වා දීමට අද දින කටයුතු කළේය. 125W flash charge තාක්ෂණය, ජංගම දුරකථන කර්මාන්තයේ නවතම තාක්ෂණික සොයාගැනීම ලෙස හැඳින්විය හැක. දියුණු Encryption algorithm ක්‍රමවේදයක් සහ උෂ්ණත්වය දැඩිව පාලනය කිරීමේ තාක්ෂණයක් සමගින් එන මෙය ෆ්ලෑෂ් චාර්ජින් උපකරණය සුරක්ෂිත හා කාර්යක්ෂම ලෙස භාවිතා කිරීමට උපකාරී වේ. 65W AirVOOC wireless flash chargeහි රැහැන් රහිත ආරෝපණ තාක්ෂණය මගින් රැහැන් සහිත ක්‍රමයට වඩා ඉක්මනින් දුරකථනය ආරෝපණය කළ හැක. ප්‍රථම වරට හඳුන්වා දෙන 50W mini SuperVOOC charger සහ 110W flash charger උපාංග OPPO සමාගමේ VOOC flash charge තාක්ෂණයේ සුවිශේෂී ප්‍රතිඵල ලෙස හැඳින්විය හැකි වේ. පෙර නොවූවිරූ තරම් සැහැල්ලු, සිහින් සහ පහසුවෙන් රැගෙන යා හැකි මෙම උපාංග අධිබලැති ආරෝපණ උපාංග තවදුරටත් ප්‍රමාණයෙන් කුඩා කිරීම් උත්සාහයක පුරෝගාමී පියවරකි.