වත්මන් රජය අයිඑම්එෆ් කොන්දේසිවලට එහා ගොස් බදු පටවා විශාල ආදායමක් උත්පාදනය කර ඇති නිසා මේ දේශීය වෛද්යවරුන්ගේ මෙන්ම සෞඛ්ය ක්ෂේත්රයේ ද අඩුපාඩු නැති කළ හැකි බවත් මෙවර සෞඛ්ය අයවැය දෙස බලන විට සෞඛ්ය ක්ෂේත්රය බිලියන 654ක් වෙන්කර ඇති මුත් ඒ අතරින් දේශීය වෛද්ය ක්ෂේත්රයට බිලියන 6ක් බවත් අපේකම ගමේකම ඉපැරණි ශිෂ්ටාචාර ගැන මැතිවරණ කාලයේ කයිවාරු ගැහුවත් බලය ලබා ගත්තට පසු ඒ සියල්ල අමතක කර ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුව අසල පොල්දූව මංසන්ධියේ දී දේශීය ආයුර්වේද වෛද්යවරුන් පැවැත්වූ උද්ඝෝෂණය සදහා එක්වෙමිනි. මෙම අවස්ථාවට එක්ව විපක්ෂ නායක සජිත් ප්රේමදාස මහතා ඔවුන්ගේ ගැටලු සොයා බැලීය.
මෙම වෙන්කළ ප්රතිශතය 5%ක් දක්වා වැඩි කළ යුතු බවත් එය ඉටු කිරීමට සමගි ජන බලවේගයට කළ හැකි උපරිම බලපෑම සිදු කරන බවත් අමතර සේවා දිමනාව මාසකට පැය 20ක් මාස 4ක් ලැබුණත් දැන් මේ රජය එයත් නැති කර ඇති බවත් එම කප්පාදුවට හේතු ඉදිරිපත් කරන ලෙසත් මේ රජය අයිඑම්එෆ් එකේ පදේට නටන නිසා මොවුන් දේශීය වෛද්ය ක්ෂේත්රය විනාශ කරන්න උත්සාහ කරනවා යැයි සිතෙන බවත් ජනාධිපතිට මේවා ගැන කෙළින් කතා කරන්න කොන්දක් නැති බවත් විපක්ෂ නායකවරයා පැවසීය.
