සුරූපී ලලනාවන් මෙලොවට බිහි කිරීමෙහිලා මූලික වන ග්රහයෝග අතරින් සඳු – සිකුරු යෝගය මූලික තැනක් ගනියි. ජ්යොතිෂ ශාස්ත්රයේ ග්රහ මණ්ඩලයේ සුරතලිය ලෙස හඳුන්වනු ලබන සිකුරු සමග ග්රහ මණ්ඩලයේ මාතෘකාරක පදවිය උසුලන සිතට අධිපති සඳුද බලවත්ව යෝග වූ වෙලාවක මවුකුසින් මෙලොව එළිය ලබන්නා වූ කත උපතින්ම සුරූපී ලලනාවක් වීමේ වාසනා භාග්යය ලබන බව ජ්යොතිෂ විද්යාවේදී පුරාණ ඍෂිවරුන් පෙන්වාදී ඇත.Sri Lanka Latest News
මෙම ලිපිය මගින් මෙම යෝග බලය ලග්න 12 යෙදී ඇති ආකාරය අනුව සුරූපී ලලනාවන් මෙලොවට බිහිවන අයුරු ජ්යොතිෂමය සිද්ධාන්ත අනුව විමසමු.
වෘෂභ ලග්නයේ මෙම ග්රහයෝගය ඇතිව ඉපදී ඇත්නම් උපතේ සිකුරු සඳු වර්ගෝත්තම ග්රහ බල ලබා ඇත්නම්ද මෙම සඳු සිකුරු ග්රහ බලයේ ඉතා වාසනාවන්ත ප්රතිඵල උදා කරගත් සුරූපී ළඳක් මෙලොවට බිහිවීමත් ඇය මෙලොව කාන්තාවන් අතරේ සුරූපී ලලනාවක් වීමත් ආදර කරුණාව ලබන කවුරුත් ප්රිය කරන වාසනාවද ප්රසිද්ධියද ලබන අයෙක් වීමද නියත වශයෙන්ම වේ.
මෙම සඳු – සිකුරු යෝගය මීන, තුලා ලග්නගතව යෙදී ඇද්ද එය සුරූපී ලලනාවක් මෙලොවට බිහි කිරීමට ඉවහල් වන ග්රහ බලයකි. මෙයට කේන්දරයේ ත්රිකෝණ ස්ථාන බලලැබූ සුබ ග්රහයන් වන ගුරු බුධ කුජ රවි යන ග්රහයන්ගේ බලවත් පූර්ණ දෘෂ්ටි ලැබීම මෙහි සුබ ප්රතිඵල වර්ධනය කිරීමට ඉතාම ඉවහල් වේ. තවද සුරූපී ළඳක් වශයෙන් ඇය මෙලොව ඉපිද රවි බලවත්ව ඇත්නම් රාජ්ය ක්ෂේත්රයේ නායකත්වය ප්රසිද්ධිය කීර්තිය ලබන ඇය ආත්ම ශක්තියෙන් ඉතා බලවත් වූ සුරූපී ලලනාවක් වීමේ ඉඩකඩ වේ. ගුරු බලවත්ව ලග්නගතව ඇති සඳු – සිකුරු මෙම ග්රහයෝගයට සුබ පූර්ණ දෘෂ්ටි දෙයිද එයින් ලබන ග්රහ කිරණින් හොඳ චරිතවත් උගත් යහපත් පිනට ළැදි සියලු යස ඉසුරින් පිරි ජීවිතයේ සියලු සැප සම්පත් අඩු නැති සුරූපී ළඳක් මෙලොවට බිහි වේ.
බුධ ග්රහයා බලවත්ව සිට මේ ග්රහ යෝගයට සුබ පූර්ණ දෘෂ්ටි දෙයි නම් කලාව ප්රිය කරන සංගීත වාදන ලිපි ලේඛන අංශවලට ගණිත මිනිත අංශවලට දක්ෂ සිනමා ක්ශේෂ්ත්රයට ද පිවිසීමේ වාසනාවක් හිමි කර ගත් සුරූපී කතක් මෙලොවට බිහිවෙයි.
සඳු සිකුරු ග්රහ යෝගයට බලවත් වූ කුජගේ පූර්ණ දෘෂ්ටි බලය ලැබේ නම් කාන්තාවන් අතරේ ජනප්රිය කාන්තාවන්ට නායකත්වය දෙන පිරිමියෙක් සේ වැඩකටයුතු කරන ආත්ම ශක්තියෙන් බලවත් පරිපාලන අංශවලට දක්ෂ විනෝද රසාලිප්ත නවක අදහස් ඇති දුටුවන් පිනවන මනබඳින රූපශ්රියක් උපතින්ම හිමිකර ගන්නීය.
රාශි බලයෙන් බලවත් වූ සෙනසුරුගේ පූර්ණ දෘෂ්ටි බලයට සඳු සිකුරු යොමු වීම, කාමාධික හැඟීම් ජන්මියාගේ නැති කරමින් මෙලොව අධ්යාත්මික සැප කෙරෙහි සිත යොදවන ආශාවන්ට වැඩි වහල් නැති ජීවිතයේ මුල් කාලයේදී දුක්විඳ වයස 30න් පසු තම ජීවිතයේ දියුණුව උදාකර ගන්නා දුක මැදින් තම දැඩි ආත්ම ශක්තිය තුළින් ජීවිතේ ජයග්රහණ ලබන (කේන්දරයේ දෙවැන්න හත්වැන්න අධිපතියන්ද බලවත් නම්) විවාහයෙන් පසුව දියුණුවද උදාකරගෙන යහපත් දූපුතුන් ලබන සමාජයේ ඕනෑම පොදු ප්රශ්නයකදී නොසැලී ජීවිතයට මුහුණ දෙන පිනට ළැදි රූමත් කතක් බිහිවේ. මෙහිදී රාහු කේතු බලවත්වී එම ග්රහයන්ගේ පූර්ණ දෘෂ්ටියට මේ ග්රහ යුවළ ලක්වේ නම් වේගවත් සිතිවිලි ඇති ධනය නිතර ලබන ගුප්ත වූ අදහස් ඇති දුර දක්නා නුවණ ලබන වේගවත් කඩිසර විනෝදයට ප්රියතාවය ඇති ආශාවන් කෙරෙහි ඇලීගැලී සිටින ගුප්ත කලාත්මක ශාස්ත්රීය අංග කෙරෙහි දක්ෂ සුරූපී ළඳක් බිහිකරවයි.
මෙහිදී අපි මේ ග්රහයෝගය භාව 12 යෙදීමෙන් සුරූපිනියක් මෙලොවට උපදින අයුරු බලමු. සඳු සිකුරු ලග්නගත වීම 1, 5, 9 කේන්දරයේ ත්රිකෝණ ස්ථාන තුනෙහිම මෙම ග්රහ යුවල 1, 4, 7, 10 කේන්දර ස්ථානවල බලවත්ව සිටීම සුරූපිනියන් බිහිකරවන යෝග වේ.
මේ ග්රහ යෝගය කේන්දරයක ලග්නගතව යෙදීම ඉතාමත් වැදගත් වේ. තවද 1, 5, 9 ත්රිකෝණ ස්ථාන 1, 4, 7, 10 කේන්දර ස්ථානවල යෙදී තිබී නම් සුරූපී ලලනාවක් මෙලොවට නියත වශයෙන්ම නිසැකවම බිහි වේ. මෙහිදී විශේෂයෙන්ම ලග්නාධිපති 2, 3, 4, 5, 6, 7, 8, 9, 10, 11, 12 අධිපති යන ග්රහයන්ගේ බල දුබල වුවද සුබ ප්රතිඵල උදාකර සුරූපී ළඳක් මෙලොවට බිහිකරවන යෝග වේ.
නවාංශක දෙර්කාංශක ද්වා දශාංශක ත්රීශාංශක අධිපති ග්රහයින්ගේ බල දුබල තවත් ග්රහයන් වර්ග කිරීමේදී අෂ්ටක වර්ග ෂඩ් වර්ග ඝෝෂ්ට වර්ගයේදී මේ ග්රහ යුවල බලයෙන් බලවත් වීමද මෙහි සුබ ප්රතිඵල උදාකරදීමට ජන්මියාට ඉවහල් වේ. තවද මේ ග්රහ යුවලගෙන් සිකුරු ග්රහයා උපතේදී රාශි බලයෙන් ත්රිකෝණ බලයෙන් ෂඩ් වර්ණයෙන් දෘෂ්ටි බලයෙන් බලවත්ව වක්රව හෝ අස්තව උපතේ උදාකොට සේ වර්ගෝත්තම වීමද එය පෙර පින් බලය ලබා මෙලොවට සුරූපිනියක් බිහිවීමේ විශේෂ වාසනා බලයකි. ඒ වාගේම සඳු උපතේ පුර සඳු වෙමින් මෙම ග්රහ යුවළ නැකැත් වාරයෙන්ද අංශක ගණනවලින් වර්ග ග්රහ බලයෙන්ද බලවත් වීමද ජන්මියාට ප්රතිඵල ලබාදීමට සමත් වේ. මෙලොව ජීවත් වන කාලය දක්වා යස ඉසුරු සැප සම්පත් යානවාහන ලබාදෙන වාසනා බලය උදාකරවන විවාහයෙන් පසුව දියුණුව ද ලබන මෙය කදිම ග්රහ සටහනකි. ඒ වාගේම ප්රසිද්ධිය ජනප්රියතාව නායකත්වය මූලිකත්වය පෙර පින් වාසනා බලය නොමඳව ලබන සුරූපිනියක් වීමේ වාසනා බලය මෙම ග්රහ යුවල උත්පත්ති කේන්දරයේ පිහිටා ඇති ආකාරය මත ජන්මියාට සුබ ප්රතිඵල උදාකර දෙයි.
මිහිරාජ් සිසිල
(ශාස්ත්රවේදී ගෞරව)
