ආර්.එෆ්.එම්.සුහෙල් – නුවරඑළිය
එවකට විදේශීය ආණ්ඩුකාරවරුන්ගේ පාලන සමයේ සිට මෙහෙක් වූ කාලය දක්වා නුවරඑළිය මහ නගර සභා සීමාවේ සියලු ප්රදේශ සඳහා නුවරඑළිය මහ නගර සභාව යටතේ බෙදා හරිනු ලැබූ පානීය ජල ව්යාපෘතිය ජාතික ජල සම්පාදන හා ජලා ප්රවාහන මණ්ඩලයට පවරා ගැනීමට අවසන් වරට පැවැති නුවරඑළිය දිස්ත්රික් සම්බන්ධීකරණ කමිටුවේ තීරණය වීමත් සමග එම තීරණයට එරෙහිව දැඩි මහජන විරෝධතාවයක් මේ වන විට ගොඩනැගී ඇත ,Sri Lanka Latest News
නුවරඑළිය මහ නගර සභාවෙන් සාමන්ය ජල පාරිභෝගිකයන්ට හා සංචාරක කර්මාන්තය සඳහා සපයනු ලබන ජල ඒකකයක මිල දැනට රුපියල් 03.00 – 05.00 අතර ඉතාම සාධාරණ මුදලක් පැවතෙන අතර නුවරඑළිය දිස්ත්රික් සම්බන්ධීකරණ සමිටුවෙන් ගනු ලැබූ යෝජනාවට අනුව ජල සම්පාදන හා ජලාප්රවාහන මණ්ඩලය වෙත ජල ව්යාපෘතිය පවරා ගැනීමෙන්න් අනතුරුව ජල ඒකකයක මිල රුපියල් 60ක් 65ක් අතර වීමෙන් පාරිභෝගිකයන්ගේ බිල්පත් 1500% -1600% වැඩිවීමක් සිදුවන බව නුවරඑළිය ප්රදේශවාසී ජනතාව මැසිවිලි නගති ,
මහජනතාව වැඩිදුර අදහස් දක්වමින් මෙසේද කිහ ,
එංගලන්තේ සුද්දාගේ පාලන සමයේ ඉදන් අද වෙනකන් නුවර එළිය ජනතාව බොන්නේ මේ වතුර. අප්රේල් මාසෙට ටිකක් වතුර හිඟ උනත් මේ වතුර පාචනය හැදිලා කියලා කවුරුත් නැහැ ,.
මීට පෙර පත්වුණු මහ නගර සභාවල මහජන නියෝජිතයන් විසින් සැලසුමකට අනුකූලව නුවරඑළිය මහනගර සභාවේ ජල ව්යාපෘතිය කළමනාකරණය කරගනිමින් නඩත්තු කරගෙන ගියා ,
මහජනතාවගේ පරිභෝජනයට අවශ්ය වන ජල ධාරිතාවයට වඩා වැඩිපුර ජලධාරිතාවයක් නුවරඑළිය මහ නගර සභාව සතු ජල ව්යාපෘතියේ තිබෙනවා ,
ජල ඒකකයක මිල රුපියල් තුනක් වශයෙන් සාධාරණ මුදලකට ලබාදී බාස් පතා නුවරඑළිය මහ නගර සභාව ලක්ෂ ගණනින් ආදායම් උත්පාදනය කරලා ඒ මුදලින් නුවරඑළිය නගර සංවර්ධන කටයුතුවලට යොදා ගන්නවා ,
ජල ඒකකයක මිල රුපියල් තුනක අවම මුදලකට ලබා දීමේදීද අදාළ ජල බිල් පත් ගෙවා ගන්න බැරුව මාසෙකට ජල සැපයුම් 75ක් 100ක් විසද්ධ කිරීමට මහ නගර සභා කටයුතු කරන පසුබිමක සියයට එක්දස් පන්සියයක වැඩිවීමක් කියන්නේ කිසිසේ දරාගන්න බැරි ලොකු බරක් ,
කලින් හිටපු නගරාධිපති මන්ත්රීවරු හරි විදිහට කළමනාකරණය කරලා නුවරඑළි ජනතාවට වතුර දුන්නා නම් වත්මන් පාලනයට එය සිදු කරන්නට බැරිකමක් නැහැ ,
ඔවුන්ගේ වැඩ බැරිකමට නුවරඑළිය මහ නගර සභාව සතු සම්පතක් වෙනත් ආයතනයකට පැවරීමෙන් නුවරඑළිය සංවර්ධන කටයුතු සඳහා ලැබෙන ආදායම් මාර්ගය නැතිකර ගන්නවත් එක්කම මහජනතාවට දැඩි පීඩනයක් ලබාදීම නුවරඑළිය ප්රදේශවාසීන් හැටියට හෙළා දකිනවා,
ඒත් එක්කම දෙස් විදෙස් සංචාරක ආකර්ෂණය දිනාගත් නුවරඑළිය සංචාරක සේවා සපයන සංචාරක ව්යාපාර සියල්ලක්ම ජල මිල වැඩිවීමත් එක්ක වැට් මුදලක් අය කරන්න සිද්ධ වෙනවත් සමඟම සංචාරක ක්ෂේත්රයේ නියැළැල්ලන් සහ සංචාරකයන් දැඩි ලෙස අපහසුතාවයට පත්වෙනවා ,
එමෙන්ම වසර ගණනාවක් පුරාවට මහජන මුදලින් නඩත්තු වන නුවරඑළිය මහ නගර සභාවේ ජල ව්යාපෘතිය සභා අනුමැතියකින් තොරව දිස්ත්රික් සම්බන්ධීකරණ කමිටුවේ වුවමනාව පරිදි වෙනත් ආයතනයකට පැවරීම තුළින් නුවරඑළිය මහ නගර සභාවේ හා සමස්ත මහා නගර සභා ආඥා පනතේ ස්වාධීනත්වයට දැඩි තර්ජනයක් බව ද මහජනතාව සහ දේශපාලන විශ්ලේෂකයන් පෙන්වා දෙති ,
උද්ගතව ඇති මෙම ගැටලුව සම්බන්ධ නුවරඑළිය පරිසරවේදීන් කිහිප දෙනෙකුගෙන් අප සිදු කළ විමසුමකට ඔවුන් කියා සිටියේ නුවරඑළිය මහ නගර සභාව සතු ජල ව්යාපෘතිය අරහා ලැබෙන මුදලින් අදාළ ජල ව්යාපෘතිය තවත් වැඩිදියුණු කර දැනට රුපියල් තුනක්ව පවතින මුදල සාධාරණ අයුරින් සංශෝධනය කර ව්යාපෘතිය මහනගර සභාව යටතේම තබා ගැනීමට කටයුතු කිරීම දුරදක්නා ක්රියාවක් බවත් එලෙස වත්මන් පාලනය මහ නගර සභාව සතු ජල සම්පත රැකගැනීමට අපොහොසත් වූවේනම් වත්මන් ජල පාරිභෝගිකයන්ට සහ අනාගතයට සිදුකරන මහා ද්රෝහීකමක් හැටියට දකින බවත්ය.
මෙම ගැටලුව පිළිබඳ නුවරඑළිය මහ නගර සභාව ආණ්ඩු පක්ෂය හා විපක්ෂයේ මන්ත්රීවරුන්ගෙන් අප සිදු කළ විමසුමකට අනුව ඔවුන් කියාසිටියේ අදාල ජල ව්යාපෘතිය ජාතික ජල සම්පාදන හා ජනප්රවාහන මණ්ඩලයට පැවරීම හා සම්බන්ධ යෝජනාව මහ සභාවකට ගෙන එහිදී බහුතර කැමැත්ත පරිදි අවශ්ය කටයුතු සිදු කිරීමට නියමිත බවයි .
