ලංකා බැංකුවේ වැඩබලන මහා කළමනාකරු / ප්රධාන විධායක නිලධාරි ලෙස වයි. ඒ. ජයතිලක මහතා පත් කර ඇති අතර, එය මෙරට විශාලතම රාජ්ය වාණිජ බැංකුව වන ලංකා බැංකුවේ නව පරිච්ඡේදයක ආරම්භයක් ලෙස දැක්විය හැකි ය. දශක තුනකට වැඩි කාලයක් ලංකා බැංකුවේ සේවය කළ කීර්තිමත් වෘත්තිකයකු වන රසල් ෆොන්සේකා මහතා විශ්රාම ගැනීමෙන් අනතුරුව සිදු කෙරුණු මෙම පත්වීම, ලංකා බැංකුව මෙතෙක් ක්රියාත්මක කළ ජාතික කාර්යභාරය තව දුරටත් ඉදිරියට කර ගෙන යාම සඳහා ශක්තියක් වනු ඇත.
මෙරට බැංකු ක්ෂේත්රය ආශ්රිත ව වසර 28කට අධික පළපුරුද්දක් සහිත වෘත්තිකයෙකු වන ජයතිලක මහතා, 1997 වසරේ දී කළමනාකරණ අභ්යාස ලාභියෙකු ලෙස ලංකා බැංකුව සමඟ එක් වූ අතර, ඒ මහතා, සහකාර මහා කළමනාකරු සහ නියෝජ්ය මහා කළමනාකරු යන ශ්රේණිවල දශකයකට වැඩි කාලයක් සේවය කර ඇත.
පුළුල් පරාසයක බැංකු මෙහෙයුම් කටයුතු පිළිබඳ ව මනා පළපුරුද්දක් සහිත ජයතිලක මහතා, ශාඛා මෙහෙයුම්, ණය මෙහෙයුම්, සංවර්ධන බැංකුකරණ සහ අය කර ගැනීම් ඇතුළු බැංකු කටයුතු පිළිබඳ ප්රවීණයෙකි. විදේශ විනිමය වෙළෙඳපොළ, මූල්ය වෙළෙඳපොළ, ප්රාග්ධන වෙළෙඳපොළ, ආයෝජන කළමනාකරණය, භාණ්ඩාගාර මෙහෙයුම් සහ විදේශීය මෙහෙයුම් කටයුතු පිළිබඳ සිය සේවා කාලය තුළ මනා පළපුරුද්දක් ලබා ඇති ජයතිලක මහතා, මූලික බැංකු පද්ධති, වෙළෙඳ මූල්ය සේවා, Work Flow Automation සහ Mobile Banking App ආශ්රිත ප්රධාන ව්යාපෘති ක්රියාත්මක කිරීමේ දී සිය නායකත්වය ලබා දී ඇති අතර, ඒ මහතා, නිමැවුම් හා සේවා සංවර්ධනය, ඩිජිටල් පරිවර්තනය සහ නවෝත්පාදනය යන අංශ සඳහා ද සුවිශේෂී දායකත්වයක් ලබා දී ඇත.
ජයතිලක මහතා ශ්රී ජයවර්ධනපුර විශ්ව විද්යාලයෙන් ව්යාපාර පරිපාලනය පිළිබඳ විද්යාවේදී (විශේෂ) උපාධියක් සහ කැලණිය විශ්ව විද්යාලයෙන් ව්යාපාර (මූල්ය) පිළිබඳ පශ්චාත් උපාධියක් ලබා ඇත. එමෙන් ම ශ්රී ලංකා බැංකුකරුවන්ගේ ආයතනයේ ආශ්රිත සාමාජිකයෙකු වන ඒ මහතා, බැංකුකරණය හා මූල්ය සේවා පිළිබඳ ඩිප්ලෝමාවක් ද ලබා ඇත. මීට අමතර ව ජයතිලක මහතා, ශ්රී ජයවර්ධනපුර විශ්ව විද්යාලයේ කළමනාකරණ පශ්චාත් උපාධි ආයතනයේ උපාය මාර්ගික කළමනාකරණය පිළිබඳ උසස් පාඨමාලාව මෙන් ම ප්රංශයේ INSEAD විශ්ව විද්යාලයේ උසස් කළමනාකරණ පාඨමාලාව (AMP) සාර්ථක ව සම්පූර්ණ කර ඇත.
ලංකා බැංකුව තුළ දැරූ විධායක භූමිකාවට අමතර ව ජයතිලක මහතා, Property Development Limited, Hotels Colombo (1963) Limited, BOC Property Development and Management (Pvt) Limited, Ceybank Holiday Homes (Pvt) Limited, BOC Management and Support Services (Pvt) Limited, සහ ශ්රී ලංකා Fintec සංසදය යන ආයතනවල අධ්යක්ෂ මණ්ඩල සාමාජිකයෙකු ලෙස සේවය කරයි.
වැඩබලන මහා කළමනාකරු / ප්රධාන විධායක නිලධාරි වයි. ඒ. ජයතිලක මහතාගේ නායකත්වය යටතේ, නව පරිච්ඡේදයක් කරා පා තබමින්, දේශීය හා ජාත්යන්තර වශයෙන් සිය ව්යාප්තිය පුළුල් කිරීමට ද ගනුදෙනුකාර සේවා ආශ්රිත විශිෂ්ටත්වය හා ඩිජිටල්කරණය කෙරෙහි දැඩි අවධානයක් යොමු කිරීමට ද ලංකා බැංකුව අරමුණු කරයි.
