බොලිවුඩයේ අලුත්ම සිහින තරු අතර පළමු පෙළට ඉන්න සුන්දරම නිළි කෙල්ලක වූ ක්රිති සැනොන් පසුගිය දවස්වල තමා භාරගෙන තිබූ චිත්රපටවල රූගත කිරීම් ඉක්මනින් අවසන් කරදෙන ලෙස අදාළ අධ්යක්ෂවරුන්ගෙන් වගේම නිෂ්පාදකවරුන්ගෙන් ද ඉල්ලා සිටියාය.Sri Lanka Latest News
ඊට හේතුව වූයේ ඇ සති ගණනක නිවාඩුවකට ප්රංශයට යෑම සඳහා සැලසුම් කරගෙන සිටීමය. හොඳ චිත්රපට කිහිපයකටද ක්රිති ඒ වෙනුවෙන් පයින් ගසා තිබිණි.
ප්රංශ චාරිකාව ඒ තරමට ඇයට විශේෂ වුණාද?
ඈ තම ඉන්ස්ටර්ග්රෑම් ගිණුමෙහි සටහනක් දමා තිබුණේ එහෙමය.
‘ප්රංශ වෙරළක දවස් කිහිපයක් නිස්කලංකව ගෙවන්නට, චිත්රපට කිහිපයක ගිවිසුම් අහිමිව යෑම ගැන හිතේ කිසිම කහටක් නැත…’
ඒ ඉන්ස්ටර්ග්රෑම් සටහන ඈ තැබුවේ හොඳ චිත්රපට දෙකක්ම මෙම ප්රංශ චාරිකාව නිසා ඈ විසින් අත්හළ බව දැනගත් මොහොතේ ඇගේ රසිකයන් සිය ගණනක් කම්පාවට පත්ව තිබූ බව ඇයට ආරංචි වූ පසුවය.
ඒකට හේතුවක් තිබුණා. ඒ හේතුව තමයි. කබීර් බාහියා විසින් මේ චාරිකාව ප්ලෑන් කර තිබීමයි. කබීර් බාහියා කියන්නේ ක්රිතිගේ තවමත් නිල නොලත් ආදරවන්තයා. ක්රිතිට ඕනෑ වුණේ හැම මොහොතකම කබීර් සමග තියෙන ආලවන්තකම හංගන්නයි. කබීර් ඒකේ අනිත් පැත්ත. ඔහුට හැම අවස්ථාවකම මේ ඇඟෑලුම්කම ලෝකෙට මුදාහරින්නයි වුවමනා වුණේ. ඔහු මේ ගමන ප්ලෑන් කළෙත් සමහර විට ඒකයි.
කොහොමින් කොහොමින් හරි ප්රංශ වෙරළ චාරිකාව සෝෂල් මීඩියාවල හිටු කියලා වයිරල් වෙන්න ගත්තාය කියමුකෝ. කබීර්ට මාරම හැපී. ක්රිති වුණත් තමන්ගේ සහ තම පෙම්වතාගේ සුන්දර ඡායාරූප සමාජගත වෙන එක ගැන, ඒ සියල්ල තම රසිකයන් දකින එක ගැන අමනාපයක් පෙන්නුවේ නැහැ. දෙන්නත් එක්ක ක්රිකට් මැච් එකක් බලන්න ඒ අතරතුර ලෝඩ්ස් පිටියටත් ගියාලු. ප්රංශ වෙරළ තීරයෙත්, අන් හැම තැනකමත් මේ ආදරවන්තයෝ දෙන්නා සමීපව ගත්ත ලස්සනම ලස්සන ඡායාරූප පෙළක් මුළු ඉන්දියාව පුරාම හිට් වුණා.
කවුද එතකොට මේ කබීර් බහියාර් කියන්නේ? ක්රිති එක්ක අලුතෙන්ම රඟපාන නළුවෙක්ද?
නැහැ. කබීර් බහියාර් කියන්නේ සවුත් හෝල් ට්රැවල්හි හිමිකරු කුල්ජින්දර් බහියාර්ගේ පුතා. ඔහු ආසියාවේ ඉන්න ප්රකෝටිපති ව්යාපාරිකයන්ගෙන් එක්කෙනෙක්.
‘නරක නැහැ ක්රිතිගේ තේරීම.’ බොහෝ දෙනා කියන්නේ එහෙමයි.
ඒ තරම් සුවිශේෂ ආදරවන්තයෙක් ගැන ක්රිති හංගන්න හැදුවේ ඇයිද දන්නේ නැහැ.
ගෑනු එහෙම තමයි ක්රියනවනේ. දන්නේ නැද්ද ක්රිතිටත් හිතෙන්න ඇති පොඩි ෂෝ එකක් ලෝකයට පෙන්නන්න. කොහොම වෙතත් ප්රංශ වෙරළ සංචාරයයි, කබීර් බහියාර් නිසයි ක්රිති බොලිවුඩ්වල මේ දවස්වල නොසෑහෙන්න හිට් වෙලයි ඉන්නේ.
මල්මි කෞශල්යා
