ශ්රී ලංකාවේ විශාලතම නැවුම් කිරි එකතු කරන්නා වන කොත්මලේ සමාගම විසින්, ‘අපේ රටේ පෝෂණය’ යන මැයෙන් යුතුව නව ප්රචාරණ මෙහෙයුමක් දියත් කොට ඇත. මෙම මෙහෙයුම තුළින් කොත්මලේ සමාගම ග්රාමීය ප්රජාවන් නගාසිටුවීමත්, තිරසාර කිරි ගොවිතැනට සහාය ලබාදීමත්, රට පුරා ඉහළ ගුණාත්මකභාවයක කිරි නිෂ්පාදන හරහා පෝෂණය බෙදාහැරීමත් සඳහා දක්වන කැපවීම සහතික කරනු ඇත. Sri Lanka Latest News
මෙම ප්රචාරණ මෙහෙයුමේ මුහුණුවර වන්නේ සාම්ප්රදායික කිරි බඳුනයි. මෙම සංකේතය ශ්රී ලංකාවේ කිරි ගොවිතැනේ උරුමයත්, කිරි නිෂ්පාදන ගොවිපළේ සිට ඔබේ මේසයට පැමිණෙන ගමනත් පිළිබිඹු කරනු ඇත. එසේම, දේශීයව එකතු කළ නැවුම් කිරි සමගින් විශ්වසනීය පෝෂණය රටට ලබා දීම සඳහා වන කොත්මලේ සමාගමේ මෙහෙවර එයින් දෘශ්ය රූපකයක් ලෙසින් පෙන්වා දෙන අතරම, ජාතිය පෝෂණය කරන භූමිය සහ ප්රජාව සමග කොත්මලේ සමාගමේ පවතින දිගුකාලීන සහසම්බන්ධය ද නියෝජනය කර දක්වනු ඇත.
කොත්මලේ සමාගම කුඩා පරිමාණ කිරි ගොවීන් 17,000කට අධික පිරිසකගෙන් දිනකට නැවුම් කිරි ලීටර් 1,80,000ක් පමණ ලබාගන්නා අතර, ඒ ඔස්සේ කොත්මලේ සමාගම ශ්රී ලංකාවේ විශාලතම නැවුම් කිරි එකතු කරන්නා බවට පත්ව තිබේ. අතරමැදියන් ඉවත් කර, සාධාරණ ගොවිපළ මිල ගණන් ලබාදීමෙන්, කොත්මලේ සමාගම ගොවි පවුල් සඳහා විශ්වාසදායක ආදායම් මාර්ගයක් නිර්මාණය කර දී තිබෙන අතරම, පාරිභෝගිකයන් සඳහා ද ගුණාත්මක භාවයක් සහතික කර දී ඇත.
