මෙරට ක්රියාත්මක ශ්රී ලංකා තත්ත්ව සහ ඵලදායිතා අභිවර්ධනය කිරීමේ සංගමය (SLAAQP) විසින් සංවිධානය කරන ජාතික තත්ත්ව සහ ඵලදායිතා සමුළුව (NCQP) 2025 පිළිබඳ මාධ්ය දැනුම්වත් කිරීමේ හමුව 2025 මැයි මස 16 කොළඹ BMICH හි දී පැවැත්විණි.Sri Lanka Latest News
මැයි මස 21 සහ 22 යන දිනවල කොළඹ මවුන්ට් ලැවීනියා හෝටලයේ පැවැත්වෙන මෙම සමුළුව සඳහා 70කට වැඩි ආයතන ගණනකින් කණ්ඩායම් 440 ක් පමණ නියෝජනය කිරීමට නියමිතය.
මේ සෑම කණ්ඩායමක්ම ගුණාත්මකභාවය සහ ඵලදායිතාවය වැඩි දියුණු කිරීම සඳහා අනුගමනය කළ නව්ය ප්රවේශයන් සහ ජයග්රහණ, පුහුණු විනිසුරුවන් ඉදිරියේ ප්රදර්ශනය කරනු ලැබේ. මෙය මෙරට නිෂ්පාදන සහ සේවා වල ගුණාත්මකභාවය හා ඵලදායිතාවය අභිවර්ධනය කිරීම සඳහා කටයුතු කරන වෘත්තිකයන්ගේ විශාලතම සමුළුව වනු ඇත.
ලංකා තත්ත්ව කව සංගමයේ අනුප්රාප්තිකයා ලෙස 1996 දී පිහිටුවන ලද SLAAQP සංගමය මෙරට තත්ත්ව සහ ඵලදායිතාව පිළිබඳ ජාතියේ ප්රමිතීන් ඉදිරියට ගෙන යාමේ ප්රමුඛතම ආයතනයයි. “NCQP යනු සාමූහික දක්ෂතාවය සහ නොපසුබට උත්සාහය අගය කිරීමේ තෝතැන්නක් පමණක් නොව සාර්ථකත්වයට පත්වීම පිළිබඳව හා අභියෝග ජයගත් ආකාරය පිළිබඳව සැලකිළිමත්වන, නවෝත්පාදන බෙදාගැනීම සඳහා අවස්ථාව ලබා දෙන එකම ජාතික වේදිකාවයි” SLAAQP හි සභාපතිනිය ආචාර්ය සුරනි ඩයස් මහත්මිය විශේෂයෙන්ම මේ බව සඳහන් කළාය.
මෙවර සමුළුවේ තේමාව.”සීමාවෙන් ඔබ්බට: වෙළඳපල තරගකාරිත්වය සඳහා වූ ගුණාත්මකභාවය, ඵලදායිතාව සහ නවෝත්පාදනය” යන්නයි. මෙහිදී ප්රධාන වශයෙන් තත්ත්ව පාලන කව (QCCS), තත්ත්ව වැඩිදියුණු කිරීමේ ව්යාපෘති (QIPs), Lean Six Sigma (LSS), අන්තර් ක්රියාකාරී කණ්ඩායම් (CFTs) සහ Kaizen වැඩිදියුණු කිරීම් යනකාණ්ඩ 5 යටතේ කණ්ඩායම් ඉදිරිපත් කිරීම් පවත්වන අතර ඔවුන්ගේ විශිෂ්ටතා ඇගයීමකට ලක් කරනු ලැබේ.
