සුරූපී මෙන්ම සරාගී ඉන්දියානු නිළි ජැක්ලින් ෆර්ඩිනැන්ඩර්ස් පසුගිය දවස්වල එකසිය ගානකට සෝෂල් මීඩියාවල වයිරල් වෙලා හිටියා.Sri Lanka Latest News
ඒකට හේතුව වුණේ ඇයට තදින් ඇලුම්කරන රසිකයෝ ඕනෑවට වඩා ඈ හා සමීපව සෙල්ෆියක් ගැනීමට තැත්කළ සිදුවීමක් ප්රසිද්ධියට පත්වූ නිසයි.
සරලව කෙටියෙන් කියනවා නම් සිද්ධ වුණේ මෙහෙම දෙයක්. ජැක්ලින් මුම්බායිවල තිබුණු උත්සවයකට ගිය සතියේ සහභාගි වෙන්න ගිය අතරතුර ඇයට ආදරය කරන රසික රසිකාවියෝ පිරිසක් ඈව වටකර ගත්තා. ජැක්ලිනුත් හරිම සුහදව නිහතමානීව එයාලට ෆේස් කළා. ඒ සුහද බව නිසාමද කොහෙද සෙල්ෆි ගැනිල්ලෙයි ඇයව තනිව සේයාරූවලට ගැනිල්ලෙයි ඉවරයක් තිබුණෙ නැහැ. ඔන්න ඔය අව් අස්සේ තරුණ හාදයෙකුත් සෙල්ෆියක් ගන්න ආවා. ඔහුගෙ හැසිරීම ටිකක් එතැනදී අමුතුවට තිබුණාය කියන එක කාටත් තේරුම් ගියා.
තරුණ හාදයා ජැක්ලින්ට ඕනෑවට වඩා සමීපව ඇගේ මුහුණට ස්පර්ශ වෙන තාලෙට සෙල්ෆිය ගන්න ආවේ ටිකක් උමතුවෙන් වාගෙයි. ජැක්ලින්ට එය වැටහුණත් රසිකයෙක්ව ප්රසිද්ධියේ පැහැරහරින එක හොඳ මදි නිසාදෝ මන්දා ඈ ඒ අපහසුතාව දරාගෙන සෙල්ෆිය ගන්න ඉඩ දුන්නත්, ඇගේ කළමනාකාර තැනට නම් සීන් එකට නහුතෙට තදවුණා. කතා කරන භාෂාවෙන් කියනවා නම් මල පැන්නා. ඔහු තමාගේ බලය නිසි ලෙස පාවිච්චි කරමින් තරුණයාව ඉවතට ඇදලා දාලා ජැක්ලින්ව තමාට ආවරණය කරගනිමින් ඇගේ රථය වෙතට ආවා. හැබැයි ජැක්ලින් නම් ඒ වැඩේට ඒ හැටි කැමැති වුණේ නැහැ වාගේ පෙනුණේ. ඈ අර තරුණයා දිහා බලලා සුහද ඉඟියක් කරමින් තමයි වාහනයට ගොඩවුණේ.
‘ඔබ එහෙම කළ එක හොඳ මදි නේද…?’
කළමනාකාර තැනට ඈ කිව්වලු. ඒත් ඔහු තමන්ට අයිති රාජකාරිය හරියටම ඉටුකරමින්, ‘ඔබ තරුවක් වුණේ රසිකයන් නිසා වුණත් ඔවුන්ට ඔබව රසවිඳීමේ අවස්ථාව දෙන විට එයට සීමාවක් තියාගන්න…’ යැය ිකියමින් ජැක්ලින්ට ටිකක් තදින් අවවාද කළාලු.
ජැක්ලින්ට එතැනදී මලපැන්නේ නැතුවද?
එහෙම වෙන්නේ කොහොමද?
කළමනාකාර තැන ඉටුකළේ ඔහුගේ රාජකාරිය. හැබැයි සෙල්ෆිය ගන්න ආව අමුතු තාලේ තරුණ හාදයා ගැන ජැක්ලින් දැක්වූ ප්රතිචාරය ගැන නම් සෝෂල් මීඩියාවල ඇයට හොඳ ප්රතිචාරයක් ලැබුණලු. ඇගේ ඉන්ස්ටර්ග්රෑම් අනුගාමිකයොත් ජැක්ලින්ගේ නිහතමානී මානුෂීය සිතුවිලි ගැන හිතාගන්න බැරි ප්රශංසාවක් ඇයට දුන්නාය කියලයි කියන්නේ.
මල්මි කෞෂල්යා
