එළඹෙන මහමැතිවරණය පැවැත්වීම සදහා දළ වශයෙන් රුපියල් කෝටි 1000කට ආසන්න මුදලක් වැය වනු ඇති බවට මැතිවරණ කොමිසම ඇස්තමේන්තු කර තිබේ.
ඒ අනුව සෞඛ්යාරක්ෂිත අයුරින් ජන්දදායකයන්ට දෑත් සේදීම සදහා භාවිත කරන විසබීජ නාශක දියර (සැනිටයිසර්) වෙනුවෙන් පමණක් කෝටි 100කට ආසන්න මුදලක් වැය කිරීමට සැලසුම් කර ඇති බව දැනගන්නට ඇත.
මීට පෙර මැතිවරණ කොමිසම සදහන් කර තිබුණේ රුපියල් කෝටි 700ක් පමණ මැතිවරණයට වියදම් වනු ඇති බවකි.
නමුත් කොරෝනා තත්ත්වය හේතුකොට ගෙන මෙම මුදල තවත් කෝටි 300කින් පමණ ඉහළ නැංවීමට සිදුව ඇති බව පැවසේ.
