බොලිවුඩ් සිනමාව පුරා අණසක පතුරවපු කපූර් පෙළපතට නෑකම් කියන ලස්සන සිඟිති දැරියකගේ තත්පර ගණනක ලස්සන වීඩියෝවක් පසුගිය දවස්වල සෝෂල් මීඩියා පුරාම වයිරල් වුණා. පසුගිය දවස්වල කියලා කිව්වට ඒ වීඩියෝ තවමත් වයිරල් වෙනවා. (Sri Lanka Latest News)
කවුද ඒ කපූර් පවුලට නෑකම් කියන පුංචි දැරිවිය?
ඇය රහා කපූර් (Raha Kapoor) රන්බීර්ගෙත්, ආලියා බාට්ගෙත් පුංචි දෝණි. තවත් විදියකට කියනවා නම් රිෂී කපූර්ගෙයි නීතු සිංගෙයි මිණිබිරී. කරීනා, කරීක්ෂ්මා කියන්නේ පුංචි ඇගේ නැන්දලා දෙන්නා.
වීඩියෝ එකේ තියෙන්නේ මොන වගේ සීන් එකක්ද?
දැකලා නැත්නම් පුදුමයි. වීඩියෝ එකේ තියෙන්නේ ඉන්දියානු ගුවන් තොටට ආව ආලියා-රන්බීර් දෙන්නව වටකර ගන්න ආව ඡායාරූප ශිල්පීන්ට හා මාධ්යවේදීන්ට පුංචි ‘රහා’ ඉතාම සුහදව ප්රතිචාර දක්වන ආකාරයයි. ‘බායි’ කියමින් ‘හුළං හාදු’ දෙමින් මේ සුන්දර දැරිය ඔවුන්ව කුල්මත් කළා. රන්බීර් වගේම ආලියාත් ඇගේ අපූරු ආලිංගනය ගැන මවිතව සිටියා. කැමරා එළි දසදහස් ගණනක් එකවර දැල්වුණේ අසුරු සැණකිනුයි.
ඒ ලස්සන වීඩියෝව ඒ විදියට එහෙම වයිරල් වෙනකොට රන්බීර්, රහා එක්ක තියෙන අපූරු බැඳීම ගැන රසවත් ඕපාදූපයකුත් ඒ එක්කම දිගහැරෙන්න ගත්තා. ඕපාදූපය පතුරුවලා තියෙන්නේ ආලියා බාට්මයි.
රහා කපූර් කියන්නේ රන්බීර් කපූර්ගේ පණලු. එක වතාවක් රන්බීර් රහා නිසා කෝටි තුන් හාරසීයක මුදලකටත් දෙපාරක් නොහිතා පයින් ගැහුවලු.
මොකක්ද ඒ කතාව?
ඒක මෙහෙමයි. රන්බීර් කොයි වෙලාවෙත් ට්රයි කරන්නේ රහා එක්ක වැඩිපුර කාලය ගතකරන්නලු. ඒ වෙනුවෙන් ඔහු විශාල මුදලක් ගෙවන චිත්රපට පවා රිජෙක්ට් කරනවලු. පසුගිය අවුරුද්දේ මුල් දවස්වල පුංචි රහා එක්ක සතියක් දෙකක් නිවීසැනසිල්ලේ ගෙවන්න හිතාගෙන ඔහු පික්නික් එකක් ලෑස්ති කළාලු. හැම දේම ප්ලෑන් කරනකොට රන්බීර්ට ෆිල්ම් දෙකකට ඇග්රිමන්ට් සයින් කරන්න ආරාධනාවකුත් ඇවිදින් තියෙනවා ඉහළ ඉල්ලුමකට.
රහා එක්ක රන්බීර්ගේ පික්නික් එක කැන්සල්ද?
වචන දෙකක් නැහැ. බේබි රහාගේ සෙනෙහෙවන්ත බැඳීම වෙනුවෙන් රන්බීර් කෝටි සියයක දෙසීයක ඔෆර් එකකට ෆ්ලියින් කික් එකක් දුන්නේ ආලියාවත් පුදුම කරවමින්. ඒ විතරක් නෙවෙයි, රහාට අසීමිතව ආදරය කරන මේ කඩවසම් තාත්තා ඔහුගේ හුරුබුහුටි ඒන්ජල් එක්ක ගතකරන්නට සූදානම් වෙන ඒ සති ගණන තුළ ඇයටම වෙන්කර ගන්න ඕනෑ නිසා පොදු ජංගම දුරකතනය පවා ඕෆ්කර දැම්මලු. මොන තරම් වැදගත් ඇමතුම් ආවත් ඒ හැමදේම රහා වෙනුවෙන් වෙන්කර තිබුණු දවස් ගණනට වඩා වැදගත් නොවන බවයි ඔහු ආලියාට සහ මව නීතුට කියා තිබුණෙ. ඒ කිව්වා වාගෙම පික්නික් එක නිමවී කපූරු මැඳුරට එනතුරුම ඔහුගේ ජීවිතයේ හැම තත්පරයක්ම ගෙවුණේ රහා වෙනුවෙන්ම තමයි කියලා ආලියා කියා තිබුණේ ලොකු සතුටකින්.
‘දෙවියන් රහාට තෑගි දීලා තියෙන්නේ මේ ලෝකේ හොඳම තාත්තලා විදියට උන්වහන්සේ තෝරපු කිහිප දෙනා අතරින් එක්කෙනෙක්වයි….’
පික්නික් එකේ ලස්සනම ෆොටෝස් පෙළක් දාලා හදපු පෝස්ට් එකක් එක්ක ආලියා ඒ ආදරණීය අකුරු ටිකත් අමුණලා තිබුණා.
දමයන්ති රේණුකා ප්රනාන්දු
