රජයට විශාල වශයෙන් පාඩු කරමින් නීත්යානුකූල නොවන ආකාරයට හිටපු ජනාධිපති රනිල් වික්රමසිංහ මහතා විසින් ජනාධිපතිවරණ කාලසීමාව අතරතුරදී කැසිනෝ බලපත්රයක් ලබා දීමට එරෙහිව අද දින ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරනු ලැබීය.Sri Lanka Latest News
මල්ගල්ලේ සුජාත හිමියන් විසින් ගොනු කර ඇති මෙම පෙත්සම අද දින ශ්රේෂ්ඨාධිකරණය හමුවේ විභාගයට ගත් අවස්ථාවේ නැවත ඔක්තෝබර් 14 වැනි දින කැදවීමට නියෝග කළේය.
සිය පෙත්සම මගින් පෙත්සම්කරු අධිකරණයට දැනුම් දී ඇත්තේ අදාළ බලපත්රය ලබා දී ඇත්තේ මිලියන 500කට බවත්, ඒ හරහා රජයට සිදුව ඇති පාඩුව රුපියල් බිලියන 85ක් බවත්ය.
පෙත්සම්කරුවන් වෙනුවෙන් සනත් විජේවර්ධන මහතාගේ උපදෙස් මත ජනාධිපති නීතීඥ නවීන් මාරපන, නීතීඥ කෞශල්ය මොල්ලිගොඩ සහ උචිත වික්රමසිංහ යන මහත්වරු පෙනී සිටියහ.
