හස්ත රේඛා ශාස්ත්රය සත්ය විද්යාවකි. මෙම ශාස්ත්රයද ස්වභාවධර්මය හා සම්බන්ධ වන විද්යාවක් ලෙස හඳුන්වා දිය හැකි බව ගැඹුරින් බලන කල අපට සිතේ. හිරු, සඳු මිනිසාට, මිනිසාගේ ශරීරයට සිතුවිලිවලට ඍජුවම බලපානු ඇත. එසේම හිරු, සඳු දෙදෙනාගේ ප්රමුඛත්වයෙන් වන දේශගුණික, කාලගුණික විපර්යාසයන්ද මිනිසාට බලපායි. ඒ ආකාරයටම විශ්වයේ ග්රහ වස්තූන් සියල්ලමද මෙවැනි කාලගුණික, දේශගුණික විපර්යාසයන්ට යටත්ව ඒකාබද්ධ වී පවතී.
අත්ල හා ඇඟිලි පිළිබඳව අප මුලින්ම විමසා බලමු. හස්ත රේඛා අනුව ඇඟිලි කොටස් 4කි.
- සිනිඳු ඇඟිලි
- මිටි ඇඟිලි
- දිග ඇඟිලි
- ගැටිති ඇඟිලි
ආදී වශයෙනි.
මීට අමතරව පළල් ඇඟිලි, පැතලි ඇඟිලි, ඇඟිලි පුරුක් දිග ඇඟිලි, මධ්යම ප්රමාණයේ ඇඟිලි වශයෙන් තවත් බොහෝ ඇත.
සිනිඳු ඇඟිලි – මෙම ඇඟිලි ඇත්තාට හෝ ඇත්තීට කලාකාමී අදහස් ඇත. හිත හොඳ ඊර්ෂ්යා, වෛර, ක්රෝධ, සැරපරුෂකම් නැත. සාමයෙන් තම ව්යාපාර දියුණු කරගනිමින් කාලය ගෙවයි. තවත් කෙනෙකුගේ දියුණුවට අතහිත දෙයි. හොඳ ව්යාපාරිකයෙකි. ව්යාපාර ස්වෝත්සාහයෙන් දියුණු කරගෙන රථවාහන මිලදී ගනී.
කිසිදු විෂයක් පිළිබඳව කල්තියාම සිතන්නේ නැත. ක්ෂ්ණික තීරණ ගනී. ඒවායින් ජය අත් වෙයි. මොවුන්ගේ මිත්රශීලී බවක් දක්නට නැත. මිතුරන් සීමා සහිතව ඇසුරු කරයි. සෑම මොහොතකම උත්සාහයෙන් කටයුතු කරයි. සිනිඳු ඇඟිලි හිමි අය නිතරම පරාජය වේ යැයි සිතන්නේ දිනන්නට බැරි බවත් හිතේ පැලපදියම් වී ඇති නිසාය. ආදරය සම්බන්ධ ගැටලුවලදී මනසින් සිත පිනා කටයුතු කරයි. වැඩකදී කිසිවෙකුට සවන් නොදෙයි.
මිටි ඇඟිලි – ආදර සබඳතාවලදී ඇති අහංකාරකම, උද්ධච්ඡකම ආදී ගතිගුණයන් නිසාද කතාව නිසාද ඒවා අත්හැරේ. පිරිමියෙක් නම් බිරියට කරදර කරමින් ජීවත් වෙයි. දරුවන් අඩුයි. දරුවන්ට අධ්යාපනයක් සැලකීමක් නොකරයි. පිට අයගේ උපකාර මත ලැබෙන දරුවන් ඉගෙනගෙන පියාට සලකයි. දරුවන්ට, බිරියට බැණවදී, බැරිම තැන බිරිය මොහු අතහැර යයි. ඒ ආකාරයට සම්බන්ධතා පලුදුකර ගනී.
දිග ඇඟිලි – ශක්තිමත් මතක ශක්තියකින් යුත් දිග ඇඟිලි ඇත්තන් පින්වන්තයි. කරන ක්රියාව හරියටම කරයි. යහපත් ගෘහ ජීවිතයක් ගතකරයි. ස්ත්රියක් නම් පින්වන්ත සැමියකු ලබා පුරුෂයකු නම් පින්වන්ත බිරින් ලබා විවාහය සාර්ථක කරගනී. යමක් කිරීමේදී තවත් අයගේ මතයටද සවන් දෙයි. නිතරම තමන්ට වාසිදායක කොටසක්ද ඉතිරිකර ගනී. නිරතුරුවම ලස්සනට අඳින්නට, පලඳින්නට කැමැතිය. ඒවාට මිල – මුදල් නිර්ලෝභීව වියදම් කරයි. ඇඳුම්, පැලඳුම් බොහෝ ඇත.
ගැටිති ඇඟිලි – ඉතාම අවංක, තණ්හා ආශාවලින් තරමක් දුරට බිඳුණු කෙනෙකි. කඩිසරව වැඩ කරයි. තමාගේ වැඩ අතහැර අනුන්ට කරයි. යුක්තියට වැඩ කරන අයුක්තිය පෙන්වන්න බැරි ක්ෂණික කේන්තිකාරයෙකි. සමහරවිට ඉතා ඉවසිලිවන්තව කටයුතු කරයි. එකට එක කියන, සැර පරුෂ බිරිඳක් ලැබුණොත් විවාහ දිවිය අවුල් වියවුල් වෙයි. ඒ යුක්තියට වැඩ කරන නිසාය. නුවණ වඩන, පොත් නිතර කියවයි.
පොඩි ඇඟිලි – මෙම පැතලි ඇඟිලිවලින් යුත් හස්ත හිමි අය යහපත් හොඳ අයයි. ඉතා සිහි නුවණින් කටයුතු කරයි. වැඩ වරද්දා ගන්නේ නැත. සතුටින් ජීවිතය ගෙනයයි. ධනය ධාර්මිකව උපයා, සපයා ගනී. කලකදී විශාල ව්යාපාර සංයුතියක් ඇති වෙයි. නිහතමානී බව නිතරම අගයයි.
ඇඟිලි පුරුක් දිග ඇඟිලි – කුඩා කල සිට හොඳින් අධ්යාපනය ලබා උසස් අධ්යාපනයක නිරත වී පසුව හොඳ රැකියාවක් හෝ රැකියාවන් කිහිපයක් කිරීමට භාග්ය උදාවෙයි. නිතර නිතර කොන්දේ අමාරු සෑදේ.
