SLIM- Nielsen සම්මානය නැවතත් ලංකා බැංකුවට

පසුගියදා බත්තරමුල්ල Waters edgeහිදී පැවති SLIM- Nielsen සම්මාන රාත්‍රියේදී වසරේ බැංකු සේවා සම්පාදක ලෙස ජනතා සම්මානය හිමි කර ගන්නට ලංකා බැංකුව සමත් විය. ඒ වෙනුවෙන් සමස්ත ශ්‍රී ලාංකික ජනතාව වෙත බැංකුව තම හෘදයංගම සුබ පැතුම් පුද කරයි. SLIM- Nielsen සම්මාන ප්‍රදානෝත්සවය ශ්‍රී ලංකා අලෙවිකරණ ආයතනය සහ භසැකිැබ Nielsen Company (Lanka) Pvt Ltd. එකමුතුවෙන් සංවිධානය වී තිබිණි.

මෙම සම්මාන උළෙලේදී දිවයිනේ පිළිගත් වෙළෙඳ සන්නාමයන් ඔවුන්ගේ සන්නාම කොටස එළිදක්වන විශේෂ අවස්ථාවක් ලෙස හැඳින්වේ. දිවයින පුරා සිටින සැලකිය යුතු නියැදියක් යොදාගෙන කරනු ලැබූ සමීක්ෂණයක් මගින් ලැබූ ප්‍රතිඵල පාදක කරගෙන මෙම සම්මානය ප්‍රදානය සිදුවිය. මෙම සමීක්ෂණය පිළිගත් බහුජාතික සමීක්ෂණ ආයතනයක් වූ Nielsen Company (Lanka) Pvt Ltd මගින් මෙහෙයවනු ලැබීය.