රිෂීට වැටුණු බොලිවුඩ් ලෙඩ

‘රිෂි නැවැතත් ඔත්පළ වෙයි..’
මේ පසුගිය දිනෙක සමාජජාලා වෙබ් අඩවි ඔස්සේ දිගට, හරහට පළවූ ඕපාදූපයක සිරස් තලයකි.
එයට පහළින් පළ වූ පුවතෙහි සඳහන් වූයේ පිළිකා රෝගයෙන් රිෂි නැවැතත් රෝගාතුරව ඇති බවකි.

රිෂි මෙයින් මහත්සේ කැලඹීමට පත්ව සිටියේය. වසරකට ආසන්න කාල සීමාවක් තුළ එක්සත් ජනපදයේ රෝහලක නේවාසිකව ප්‍රතිකාර ලැබූ රිෂී පසුගිය වසරෙහි අවසාන භාගයෙහි පෙරළා ඉන්දියාවට පැමිණියේ සම්පූර්ණ සුවයෙනි. එනිසාවෙන් දැඩි සතුටට සහ සැනසීමට පත්ව සිටි රිෂි නැවැතත් තමාව රෝගී තත්ත්වයට කිසිවකු විසින් ඇද දැමීම ගැන සිත්තැවුලට පත්වූයේ තමාට ආදරය කරන තම රසිකයන් පිළිබඳව කලකිරීමට පත්වෙමිනි.

පමණක් වේලාවට මම මිනිස් හැඟීම් ගැන යම් තරමකට පුදුම වෙනවා. ඒ ඇයිද? කියන්නේ, අපට ආදරය කරන අපේම රසිකයන් සමහර මොහොතක අපේ හිත් නොසිතූ ලෙස රිද්වනවා.
‘නටන්න රිෂී නටන්න කියා අපට කෑගසන රසිකයන්ම තමයි නිළියක සමඟ අප රාත්‍රි කෑමකට ගියත් පසුදාට අපට කටකතා හදන්නේ.

තම අසනීප තත්ත්වය ගැන ගෙතී ඇති බොරු කටකතාව ශෝකවූ රිෂී මුද්‍රිත මාධ්‍යයක් හමුවේ එසේ පැවසුවේය.
මෙහිදී සිදුව ඇත්තේ යම් අසාත්මිකතාවක් වැලඳීමෙන් රිෂි රෝහල් ගතවීමය. සිය අලුත්ම සිනමා පටයෙහි රූගත කිරීමට සහභාගි වෙමින් සිටි රිෂී කපූර් හුස්ම ගැනීමේ අපහසුතාවක් මත රෝහල් ගතව තිබිණි. ‘වියළි දේශගුණික තත්ත්වය නිසා මම ප්‍රතිකාර ලබමින් සිටිනවා. එය ඉතා සාමාන්‍ය තත්ත්වයක් බව වෛiවරුන් පවසා සිටිනවාය යනුවෙන් තම ට්විටර් ගිණුමට පණිවුඩයක් තබා ඇත.

එලෙසම,
මයික්‍රො බ්ලොග් අඩවිය හරහාද රිෂී තම නිරෝගී බව තහවුරු කර ඇත.
මාගේ මාධ්‍ය මිතුරන්ගෙන් මට බේරිල්ලක් නැහැ. ඔවුන් මට දිගට හරහට ඇමැතුම් ලබා දෙමින් නැවැත ඔබේ රෝගී තත්ත්වය උත්සන්න වෙලාදැයි’ කියා මගෙන් අහනවා.

ඇත්තෙන්ම මාධ්‍යයට සුපිරි තරුවකගේ අසනීප තත්ත්වයක් වුවද විකුණා සල්ලි හම්බකරන්නට පුළුවන්. නමුත් එයින් අර තැනැත්තා අත්විඳින මානසික පීඩාව කොයිතරම්ද?
සත්තකින්ම මිනිසුන් අපට කරුණාවයි. ඔවුන් අප ගැන සොයා බැලීම සහ අපව සුපිරි තරු මට්ටමට ගෙන ඒම දැඩි සේ ස්තුතිවන්ත විය යුතුයි.

නමුත් සුපිරි තරු දවස ගෙවන්නේද සාමාන්‍ය මිනිසුන් ලෙසයි. ඒ නිසා අපටද අනන්‍යතාවක් තිබෙනවා. අපට කිඹුහුමක් ගිය සැණින් එය අලෙවි කිරීම හොඳ කාරණයක් නොවන වග ඔවුන් වටහා ගන්නවා නම් හොඳයි.

හැත්තෑව දශකයේ ‘බොබී’ චිත්‍රපටය තුළින් එක රැයින්ම සුපිරි තරුවක වූ මේ කඩවසම් මිනිසා සිය රසිකයන් නිසා දැඩි කනස්සල්ලට පත්ව තිබුණේ එලෙසිනි.
කපිල් දේව් මීට බොහෝ කලකට ඉහත කළ දුක්බර ප්‍රකාශයක්ද ‘රිෂී කපූර්’ විසින් සටහන් කොට තිබිණි.

‘ලෝක කුසලාන දිනා ගත් ජයග්‍රාහී මොහොතේ රතු පැහැති රෝස මල්වලින් මා යන මඟ සරසන්නට තරම් ළෙන්ගතු වූ මගේ ආදරණීය රසිකයන්, එය මාස ගණනකට පසුව මා ලකුණු 8කට දැවී යන විටක ‘කපිල් ගෝ හෝම්’ යනුවෙන් මට හිස් ප්ලාස්ටික් වතුර බෝතල්වලින් දමා ගසන්නට තරම් උරණ විය. මම අමනාප නොවෙමි. රසික උන්මාදය යනු එයය.

කපිල් දේව් වැනි ජාතික වස්තුවකට එය එසේ වී නම් මට ද එය එසේමය.
රිෂි කපූර් මෙම කාරණයට මෙතරම් කලබල වූයේ ඇයිද? යන්න මාධ්‍යයටද යම් ප්‍රශ්නයකි.
කිසිවකු විසින් ඒ සඳහා දී තිබූ පිළිතුරෙහි මෙසේ සඳහන්ව තිබිණි.

රිෂි කපූර් සිය පිළිකා තත්ත්වයට සුහදව මුහුණ දුන්නේ ඉතා නිර්භයවමය. මරුවා සමඟද රිෂි සටන් කළේය. වෛi ප්‍රතිකාර සමඟ ඔහු හොඳින් දවස ගෙව්වේය.
වාසනාව ඔහුට ආශීර්වාද කළේය. නොසිතූ ලෙස ඔහු සුවපත් විය. සුපුරුදු ලෙස හෙතෙම සිය රංගනයටද ප්‍රවිෂ්ටව සිටියේය.

‘මම පිළිකාවට සතුටුදායක පිළිතුරක් දුනිමි.’
යන වගන්තිය රිෂි සිය දිනපොතේද, ට්විටර් ගිණුමේද සටහන් කොට තිබිණි. ඉතින්,

නව ජීවිතයක් වූද මේ සොඳුරු මිනිසාව නැවැත පිළිකා තත්ත්වයකට ඇද දැමීම අශෝභන කරුණක් බව නොකියා බැරිය.

සියල්ල අවසානයේ රිෂී කපූර් මෙලෙස සිය ප්‍රති උත්තරය දක්වා තිබිණි.
මෙලොව උපදින මිනිසාට මරණය අනිවාර්ය වෙයි.’ මටද එය එලෙසමය. එනමුදු පිළිකා

මාරයාගෙන් මා සුවය ලද බව මම සතුටින් පවසමි.
දමයන්ති රේණුකා ප්‍රනාන්දු