ශ්රී ලංකා යුද හමුදාවේ 8 වැනි ශ්රී ලංකා සිංහ රෙජිමේන්තුවට අනුයුක්තව පුලියන්කුලම ප්රදේශයේ ක්රියාන්විත රාජකාරියේ නිරතව සිටියදී ත්රස්තවාදීන්ගේ මර උගුලකට හසුවීමෙන් තම දකුණු අත අහිමි වූ රණවිරු සැරයන් එච්.ජී. නෙලුම් කුමාර වෙත කෘත්රිම අතක් ලබාදීම රණවිරු සේවා අධිකාරියේදී සිදුකෙරිණි.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්රාමික) මහතාගේ විශේෂ ඉල්ලීමකට ප්රතිචාර දක්වමින් LN4 කෘත්රිම අත් ලබාදීමේ ශ්රී ලංකාවේ සන්නාම තානාපති ලෙස කටයුතු කරන කරන මොහාමඩ් සමූන් මහතා විසින් 2023 ජූලි මස 12 වන දින රණවිරු නෙලුම් කුමාර මහතා සඳහා LN4 වර්ගයේ කෘත්රිම අතක් පරිත්යාග කිරීම සිදුවිය.
මීට පෙර අවස්ථාවන් කිහිපයකදීම ක්රියාන්විත හේතූන් මත මැණික් කටුව අසලින් එක් අතක් අහිමි වූ රණවිරුවන් සඳහා කෘත්රිම අත් සකසා දී තිබිණි. එහෙත් එම කෘත්රිම අත භාවිතයෙන් යමක් සිදුකරගත නොහැකි වූ අතර, එය හුදෙක්ම අතක පෙනුම ලබාගැනීම සදහා භාවිත කරනු ලබන ආදේශකයක් වශයෙන් පමණක් භාවිත විය.
එහෙත්, ඇමරිකාවේ නිෂ්පාදිත මෙම LN4 වර්ගයේ නවීන තාක්ෂණයෙන් යුත් කෘත්රිම අත අනෙක් අතෙහි ආධාරයෙන් ක්රියාකළ හැකිය. එමගින් අනෙක් අතෙහි ආධාරයෙන් යමක් අල්ලා ගැනීම, රඳවා ගැනීම සහ ලිවීම ආදී කටයුතු ස්වාධීන ලෙස කර ගැනීමට හැකියාවක් ඇත. මෙම කෘත්රිම අත බරින් ඉතාම අඩු අතර, භාවිතයද ඉතාම පහසුවේ. වර්තමානයේ පවතින පුනරුත්ථාපන ක්රමවේදයට ඔබ්බෙන් නව තාක්ෂණයෙන් යාවත්කාලීන වුණු ආබාධිත සහායක උපකරණ ලබාදීමේ තවත් එක් පියවරක් වශයෙන් මෙම කෘත්රීම අත ලබාදීම සැලකිය හැකිය.
