සමගි ජන බලවේගයේ සහ තමාගේ එකම අරමුණ සියලු දරුවන්ට එක හා සමාන අධ්යාපන අයිතියක් ලබා දීම බවත් එය මානව අයිතියක් බවත් පැවසු විපක්ෂ නායකවරයා කියා සිටියේ රටේ මූලික නීතියේ අධ්යාපනය සම්බන්ධයෙන් සඳහන් නොවූවත් තමා රටේ ජනාධිපතිවරයා වූ පසු මෙරට අධ්යාපන අයිතිය මූලික අයිතියක් බවට පත් කරන බව යි.
අධ්යාපනය හැමෝටම සමාන විය යුතු බව සිතුවත් අධ්යාපනය තුළ බරපතල බෙදීමක් හා විෂමතා ඇති බවත් රටේ ඇති හැකි ප්රභූ පාසල් සහ නැති බැරි සම්පත් ඌණතාවෙන් යුත් පාසල් යන බෙදීම හා අසමානතාව නැති කළ යුතු බවත් මේ බෙදීම තුළ සමාජ අසාධාරණත්වයක් නිර්මාණය වන බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (14) මොනරාගල කුඹුක්කන පඤ්ඤානන්ද මහා විද්යාලයට සක්වල වැඩසටහන යටතේ 31 වැනි සුහුරු පන්ති කාමරය ලබා දීමේ අවස්ථාවට එක් වෙමිනි.
එහි දී විපක්ෂ නායකවරයා කියා සිටියේ අගනුවර මෙන්ම ගමේ පාසල්වලට ද එක හා සමාන ලෙස සැලකිය යුතු වුවත් මැතිවරණය වෙනුවෙන් සිංහල පමණයි කියා ගන්නා පිරිසක් නිසා මේ බෙදීම වැඩි වි ඇති බවත් මේ තත්ත්වය වෙනස් කර සෑම පාසලකම ඉංග්රීසි භාෂාව තොරතුරු තාක්ෂණය විද්යාව ආදිය උගන්වන තත්ත්වයක් ඇති කර සුහුරු පුරවැසියකු බිහි කිරිමට කටයුතු කරන බවත් ය.
මෙහි දී විපක්ෂ නායකවරයාට අනාවරණය වූයේ ඉඩම් ප්රතිසංස්කරණ කොමිෂන් සභාව විසින් මෙම පාසලට ලබා දුන් අක්කර 2ක ඉඩම ප්රදේශයේ දේශපාලනඥයකු විසින් අනීතික ලෙස ලබා ගෙන පරිහරණය කරන බව යි. ඒ සම්බන්ධයෙන් විදුහලේ බලධාරින් විපක්ෂ නායක සජිත් ප්රේමදාස මහතා දැනුවත් කළ අවස්ථාවේ ඔහු කියා සිටියේ නැවත පාර්ලිමේන්තුවේ ආරම්භ වූ දිනක සමගි ජන බලවේගයේ මහලේකම් රංජිත් මද්දුම බණ්ඩාර මහතා සමඟ එක් වී මේ අසාධාරණය වෙනුවෙන් පාර්ලිමේන්තුවේ හඬ නගන බවයි.
SAJITH PREMADASA
