සිනහවේ කිරුළ දිනූ ජනයි – ප්‍රියයි

ගෙවන හැම තත්පරයක් පාසා අපි උත්සාහ කරන්නේ සිනාමුසුව ජීවිතය සතුටින් ගත කරන්නට. හිනාව නිරෝගී දිවියකට වාසනාව කියනවානේ. අද කොතරම් හාස්‍ය උත්පාදක නිර්මාණ බිහි වෙනවාද? ඒ විතරක් නෙමේ අපේ රටේ අද විකට කලා ශිල්පීන් වැහි වැහැලා. රටේ ජනතාව පවා විහිළුවක් බවට පත්කරගෙන. නමුත් අපේ රටේ ජනතාව බුද්ධිමත් හොඳ දේ තෝරා ගැනීමට. එනිසාම හාස්‍ය උත්පාදන ජනයි – ප්‍රියයි පසුගියදා රටේ අංක එක බවට පත්කළා. ඒ සතුටු කඳුළු ජනයි – ප්‍රියයි නිර්මාතෘ රංග ජයකොඩි අප සමඟ බෙදාගත්තේ ඔබ වෙනුවෙන්.
ඔබ දෙදෙනා මුලින් හාස්‍ය මුසු කළේ ෆේස්බුක් හරහා නේද?
ඔව්. අපිට මුලින් යූටියුබ් චැනල් එකක් තිබ්බේ නැහැ. අපි වීඩියෝ නිර්මාණ කළේ ෆේස්බුක් හරහා. පසුකාලීනව ගප්පියා, චනුක්ස් බ්‍රෝ අපි යූටියුබ් චැනල් එක ගැන කියලා දුන්නා. ඒ හරහා සතියකට ලක්ෂ දෙසීයක් විතර ප්‍රේක්ෂකයන් අපේ ජනයි – ප්‍රියයි රසවිඳින්න නැඹුරු වුණා.
ආදායම් මාර්ගයක් උපයන්නටද මෙවැනි නිර්මාණ අන්තර්ගත කළේ?
ආදායමක් අපිට එයින් එනවා. නමුත් ලොකු මුදලක් නෙමේ. ඒ ලබන ජනප්‍රියත්වයෙන් අපිට විවිධ ප්‍රසංගවලින් ආරාධනා කරනවා. එයින් අපි ආදායමක් උපයනවා. ඒ වගේම අපි වෙළෙඳ ප්‍රචාරක ආයතනයක් කරගෙන යනවා. එයිනුත් ආදායමක් අපිට ලැබෙනවා.
ජනයි – ප්‍රියයි සමඟ තවත් කිහිපදෙනෙක් තරග කළා නේද? ඒ අය අභියෝගයක් වන්න ඇති?
ලකයි – සිකයි, රැට්ටා, වස්ති තමයි අපි එක්ක තරග කළේ. අපි සමඟ කරට කර හිටියේ ලකයි – සිකයි තමයි. නමුත් අපි හැමෝම එකිනෙකට වෙනස් මාවත්වල නිර්මාණ කරන නිසා ජනතාව ඒ වෙනස අඳුරගත්තා. ඉතින් ඉදිරියටත් අපි වෙනස් නිර්මාණ ප්‍රේක්ෂකයන්ට ලබාදෙමින් සමාජයට පණිවුඩයක් දෙනවා.
සිනහා සාගරයක් මැද සමාජයට යම් පණිවුඩයක් දිය හැකිද?
අනිවාර්යයෙන්ම පුංචි විනාඩි කීපයක් තුළ ප්‍රේක්ෂකයන්ට උසස් රසවින්දනයක් ලබාදීලා යම් වැදගත් පණිවුඩයක් ලබාදිය හැකියි. ඔවුන් හිතන්නට ගන්නවා මේ හිනා වුණේ කුමන හේතුවක් මතද කියලා. මේ වන විට අපේ චැනල් එක හරහා නිර්මාණ දෙසීයක් විතර අපි නිර්මාණය කර විකාශය කළා.
‘ජනයි – ප්‍රියයි’ දැන් ජනප්‍රියයි නේද?
ඒ සුන්දර දවස මතක් වෙද්දිත් දෙනෙතට කඳුළු ගලාගෙන එනවා. කවදාවත් නොහිතපු විදියට ජනයි – ප්‍රියයි පසුගියදා පැවැති ඍ්සට්ප ිදපැ ්අ්රාි 2019 පළමු සම්මාන රාත්‍රියේ ජනතා සම්මානය අපිට ලැබුණා. මොන සම්මාන ලැබුණත් වැඩක් නැහැ ජනතා සම්මානයයි වටින්නේ. ඒ තරමට බාල, මහලු කොයි කවුරුත් අපේ හාස්‍ය වැලඳගත්තා. එය අපි දෙන්නාට මේ ලෝකෙට බිහිකළ මවුපියන්ට පින්. අවුරුදු හතක් පුරාවට අපව මෙතැනට ගෙනාපු ලක්ෂ ගානක ආදරණීය රසික, රසිකාවියන්ට පින් ඔයාලා නැත්නම් ජනයි – ප්‍රියයි කියලා දෙන්නෙක් අද මෙතැන නැහැ.
‘ජනයි – ප්‍රියයි’ හැදුණු විදිය ගැන කතා කළොත්?
චමල් රත්නායක හාස්‍ය අධ්‍යක්ෂවරයෙක්. ඔහුගේ පිටපතක තිබුණා ජනප්‍රියා, ජනකාන්ත කියලා චරිත දෙකක්. ඉතින් අපි ඒ චරිත දෙක ෂෝට්ෆෝම් කරලා ජනයි, ප්‍රියයි විදියට සඳහන් කළා.
වසන්ත විතාරණගේ