ජනාධිපති රනිල් වික්රමසිංහ ප්රමුඛ රජයේ විශේෂ ඉල්ලීම මත 75වැනි නිදහස් දිනය සැමරීම වෙනුවෙන් සංවිධාන කරන ජනරජ පෙරහර අති උත්කර්ෂවත් අන්දමින් හෙට (19) දිනයේ මහත් වූ මංගල සිරිය මැද මහනුවරදී වීදි සංචාරය කිරීමට නියමිතව ඇත.
මෙම පෙරහර මංගල්යය ශ්රී දළදා මාලිගාවේ ඇසළ පෙරහර අවසන් රන්දෝලි පෙරහර සේම පැවැත්වීමට ජනාධිපති රනිල් වික්රමසිංහ පෙරහර කමිටුවට උපදෙස් ලබාදී ඇත.
ඒ අනුව එම උත්කර්ෂවත් පෙරහර හෙට හවස 6ට දළදා මාලිගා පරිශ්රය ඉදිරියෙන් ඇරඹෙනු ඇත.
දළදා කරඬුව වෙනුවට ජනරජ ලාංඡනය පෙරහරේ රැගෙන යනු ඇත.
උඩරට – පහතරට නර්තන කණ්ඩායම්, හේවිසි, හොරණෑ සහිතව අලි ඇතුන් 60ක සහභාගීත්වයෙන් මෙම පෙරහැර වීදි සංචාරය කිරීමට නියමිතව තිබේ.
පෙරහර මංගල්යය සම්බන්ධව මහානායක හිමිවරුන්ගේ අදහස ප්රකාශ වී නැත.
පෙරහර සංවිධානය සඳහා රුපියල් කෝටි අටකට අධික මූලික වියදමක් ඇස්තමේන්තු කර ඇති අතර එම මුදල් ප්රමාණය අමාත්යාංශ මට්ටමින් සහ පෙරහර භාරයෙන් ලබාගැනීමට සැලසුම් කර තිබේ.
කෙසේ වෙතත් පෙරහර වැය එක් ලේඛනයක ලේඛනගත කිරීමට කටයුතු නොකරන බව ද වාර්තා වී තිබේ.
මේ වනවිට රජයේ සියලු මැති ඇමතිවරුන් අමාත්යාංශ ලේකම්වරුන්, රජයේ වියදමින් රජයේ වාහනවලින් මහනුවර වෙත පැමිණෙමින් ඇත.
මේ සියලු මැති ඇමැතිවරුන් සහ අමාත්යාංශ ලේකම්වරුන්ට මහවැලි රීච්, ස්විස්, ක්වීන්ස්, ග්රෑන්ඩ් කැන්ඩියන් ඇතුළු මහනුවර නගරයේ පිහිටි තරු හෝටල්වල නවාතැන් සපයා තිබේ. ඔවුන් රාත්රී දෙකක්, දින තුනක් මෙම හෝටල්වල ගතකරනු ඇත.
අමාත්යාංශ ලේකම්වරුන්ගේ සහ ඇමැතිවරුන්ගේ රියැදුරන් ඇතුළු කාර්ය මණ්ඩලයටද මෙම දින තුන තුළ විශේෂ පහසුකම් සලසා තිබේ.
Lankasara
