කොවිඩ් මර්දන වැඩසටහනේදී ගෙන ඇති තීන්දු තීරණ සම්බන්ධයෙන් සෞඛ්ය ක්ෂේත්රයේ වෘත්තීය සමිතිවලින් මෙන්ම විශේෂඥ වෛද්යවරුන්ගෙන් ද එල්ල වුණු විවේචන හමුවේ වසංගත රෝග විද්යා අංශයේ ප්රධානියෙකු දැනට ඔහු දරන තනතුරෙන් ඉවත් කරන ලෙස රජයේ ඉහළම තැනකින් උපදෙස් ලැබී ඇති බවට තොරතුරු වාර්තා වේ.
කොවිඩ් මර්දන එන්නත්කරණ වැඩසටහනේදී වයස අවුරුදු 60 ට වැඩි පුද්ගලයින් සදහා එන්නත් ලබා දෙන ලෙස විශේෂඥ වෛද්යවරුන් රැසක් ඉල්ලා සිටියද ඒ සදහා ඉඩ ලබාදීම අදාළ නිලධාරියා විසින් ප්රතික්ෂේප කර ඇති බවටද චෝදනා එල්ලවී ඇත.
මෙතෙක් එන්නත් ලබාගෙන නොමැති අයි ඩී එච් රෝහලේ හෙදියන් පිරිසකට ස්පුට්නික් එන්නත ලබා දෙන ලෙස වෛද්යවරුන් ඉල්ලීම් කළද අදාළ නිලධාරියා එයද නොතකමින් ක්රියා කර ඇති බව දැනගන්නට තිබේ.
පාර්ශව රැසකින් එල්ලවෙන චෝදනා සැලකිල්ලට ගනිමින් අදාළ නිලධාරියා ඉවත් කරන ලෙස සෞඛ්ය අමාත්යවරිය වෙත රජයේ ඉහළම ස්ථානයකින් ඒ අනුව උපදෙස් ලැබී ඇති බව ද කියවේ.
