ප්රවීණ මාධ්යවේදියකු වන සිරි හීන්පැල්ල මහතාට ඉකුත්දා ඇමෙරිකාවේ නිව්යොර්ක්හි ඔසනින් සිංහ සමාජයෙන් විශිෂ්ටතා සම්මානයක් පිරිනමනු ලැබීය.
වසර 41කට වැඩි කාලයක් ලංකාවේදී මෙන්ම විදේශීය රටවල් කීපයක නොකඩවා මාධ්යකරණයෙහි නිරතව සිටීම මෙන්ම විශේෂයෙන්ම ලොව වනසන විවිධ ත්රස්තවාදී සංවිධානයන්හි ඇතුළු පැත්ත ගවේෂණාත්මකව ලෝකයාට හෙළිකිරීමට ඔහු කැපවීම මෙසේ ජාත්යන්තර සිංහ සමාජයේ ඇගැයීමට ලක්විය.
ඔහු 1968 සිට 1977 දක්වා ලංකාදීප, දවස, ඇත්ත යන පුවත්පත්වල මෙන්ම ශ්රී ලංකා ගුවන්විදුලි සංස්ථාවේ මාධ්යවේදියකු වශයෙන් සේවය කළේය.
1977 සිට 1982 දක්වා සංස්කෘතික අමාත්යාංශයේ සහ යුනෙස්කෝ ශ්රී ලංකා සංස්කෘතික ත්රිකෝණ ව්යාපාරයේ ප්රචාරක අංශයන්හි ප්රධානියා වශයෙන් ක්රියා කළේ හීන්පැල්ල මහතාය.
1979 වර්ෂයේ යුගෝස්ලෝවියාවේ බෙල්ග්රේඩ් නගරයේ පැවැත්වූ ජාත්යන්තර ලේඛක සමුළුවේදී ශ්රී ලංකාව නියෝජනය කළේ ඔහුය.
මිහින්තලාව, දීඝවාපිය, සෝමාවතිය, ජේතවනාරාමය, කළුතර බෝධිය, දුටුගැමුණු භෂ්මාවශේෂ, නිදහස, සංස්කෘතික ත්රිකෝණය, ජයනද වෙඩිල්ල ඇතුළු පොත්පත් රාශියක් පළකර ඇති හීන්පැල්ල මහතා වෘත්තියෙන් ඇමෙරිකාවේ බැංකු ක්ෂේත්රයේ ජ්යෙෂ්ඨ විධායක නිලධාරියෙකි.
ඡායාරූපයෙන් දැක්වෙන්නේ ඇමෙරිකාවේ ජාත්යන්තර සිංහ සමාජයේ අධ්යක්ෂවරුන් වූ වින්සන්ට් මන්ච්, ජෝන් බෙල් සහ නන්දන කරුණාරත්න යන මහත්වරුන් සිරි හීන්පැල්ල මහතාට ගවේෂණාත්මකව මාධ්යකරණය වෙනුවෙන් සම්මානය පිරිනැමූ අයුරුයි.
