සියම් නිකායේ, මල්වතු පාර්ශවයේ, උතුරු මධ්යම පළාතේ ප්රධාන සංඝනායක, අටමස්ථානාධිපති අතිපූජ්ය පල්ලේගම සිරිනිවාස නාහිමියන් අද (21) දින බැහැ දුටු ගරු අග්රාමාත්ය මහින්ද රාජපක්ෂ මහතා උන්වහන්සේගේ සුව දුක් විමසා බැලුවේය.
කොවිඩ්-19 වසංගතය හමුවේ ජන ජීවිතය නගා සිටුවීමට රජය ගෙන ඇති ක්රියාමාර්ග සම්බන්ධයෙන් අග්රාමාත්යතුමා මෙහිදී නාහිමියන් දැනුවත් කළේය.
රටේ ආර්ථික, සමාජීය හා දේශපාලන ක්රියාදාමයන්ට අදාළ ධර්මානුකූල පිළිවෙත් පිළිබඳව අටමස්ථානාධිපති අතිපූජ්ය පල්ලේගම සිරිනිවාස නාහිමියන් මෙහිදී අග්රාමාත්යතුමාට අනුශාසනා කරමින් ආශිර්වාද කළහ.
මෙම අවස්ථාව සඳහා අමාත්ය එස්.එම්.චන්ද්රසේන, රාජ්ය අමාත්ය සිරිපාල ගම්ලත්, උතුරු මැද පළාත් හිටපු මහ ඇමති එස්.එම්.රංජිත්, අනුරාධපුර නගරාධිපති එච්.පී.සෝමදාස, බුද්ධශාසන, ආගමික හා සංස්කෘතික කටයුතු අමාත්යංශ ලේකම් මහාචාර්ය කපිල ගුණවර්ධන මහත්වරු ඇතුලු පිරිසක් එක්ව සිටියහ.
