පාකිස්තානයේ කෝවිඩ් වෛරස ආසාදිත සංඛ්යාව ශීඝ්ර ලෙස ඉහළ යන හෙයින් සෞඛ්ය පහසුකම් සැපයීමේ කටයුතුද මොහොතින් මොහොත බිඳ වැටෙමින් තිබේ.
කෝවිඩ් වෛරසය ආසාදනය වීමේ වේගය පසුගිය සෙනසුරාදා වන විට සියයට නමයක් (%9) වූ බවද එදින වාර්තාගත දෛනික ආසාදිත සංඛ්යාව හාරසිය හැට තුනක් (463) බවද ගතවූ සති තුන හතරක (3-4) කාලය තුළ තත්ත්වය එන්න එන්නම දරුණු වූ බවද ඉස්ලාමාබාද් නගරයේ දිස්ත්රික් සෞඛ්ය නිලධාරි සයීම් සියා කියයි.
මේ වර්ධන වේගය තදින්ම බලපා ඇත්තේ රෝහල්ගත කෙරෙන ආසාදිතයන් වෙනුවෙන් ඇඳන් සැපයීමේදීය. එරට අගනුවර වන ඉස්ලාමාබාද් නගරයේ සියලු රෝහල්හිම ඇති ඇඳන් සංඛ්යාව අටසිය තිස් හයකි (836). මේවන විට ඉන් ඇඳන් පන්සිය විසි පහකම (525) කෝවිඩ් ආසාදිතයන්ය. කෘත්රිම ශ්වසන යන්ත්ර ඇත්තේ එකසිය දහනමයකි (119). ඉන් හැට නමයක්ම (69) මේ භාවිතයට යොදවා තිබේ. වෛදා්යවරුනට ඇති උභතෝකෝටික ප්රශ්නය සීමිත සම්පත් ප්රමාණය අසීමිත ආසාදිතයන් වෙනුවෙන් කැප කරන්නේ කෙසේද යන්නය.
ව්යාප්ති රෝග ප්රතිකාර මධ්යස්ථානයේ සහ සෙසු රෝහල්වල ඇති ඇඳන් එකසිය පහෙන් (105) අනූවක (90) කෝවිඩ් නොවන රෝගීන්ය.
පාකිස්ථානු වෛදා්ය විදා්යා ආයතනයේ ඇඳන් එකසිය අසූ තුනෙන් (183) එකසිය හතළිස් නමයකම (149) රෝගීන්ය (ආසාදිතයන්). එම ආයතනයේ ඇති කෘත්රිම ශ්වසන යන්ත්ර විස්සෙන් (20 )fදාළහක්ම (12) භාවිතයට යොදවා තිබේ.
පොලික්ලිනික් රෝහලේදී ඉදිරි දිනවල කිරීමට නියමිතව තිබූ සියලු සැත්කම් අවලංගු කර ඇත. එම රෝහලේ සියලුම කෘත්රිම ශ්වසන යන්ත්ර ආසාදිතයන් වෙනුවෙන් යොදවා ඇත. ඇතැම් රෝහලක ආසාදිතයන් වෙනුවෙන් කෘත්රිම ශ්වසන යන්ත්ර කොහෙත්ම නැති බවද පැවසේ.
Geo ප්රවෘත්ති සේවය පවසන අන්දමට ආසාදිතයන්ට තබා ආසාදිතයන් වෙනුවෙන් සියලු “බර කරට ගෙන පෙරමුණේම කටයුතු කරන” සෞඛ්ය සේවකකාරකාදීන්ටද ලැබෙන කිසිදු ආරක්ෂාවක් නැත.
“පොලික්ලිනික්” රෝහලේ එවන් සේවකයන් සම්බන්ධයෙන් පවත්වන ලද “පී.සී.ආර්.” පරීක්ෂණයෙන් අනාවරණය වූයේ හතළිස් හය (46) දෙනකු ආසාදිතයන් බවය. ඒ අතරින් දෙදෙනකු (2) වෛදා්යවරුන්ය. දාහත් දෙනකු (17) හෙදියන්ය. විසි හත් දෙනකු (27) සෙසු කාර්ය මාණ්ඩලිකයන්ය.
පාකිස්ථානයේ ජාතික අණ දෙන සහ මෙහෙයුම් මධ්යස්ථානය පවසන අන්දමට කෝවිඩ් වසංගතයට ශීඝ්ර ලෙස වින්ඳිතයන් වන්නේ වයස අවුරුදු එකේ සිට (01) දහය (10) දක්වා වයසේ කුඩා දරුවන්ය.
පසුගිය සතියේ එකම දිනයක දරුවන් දෙදෙනෙක් මියගියහ.
අප්රේල් මාසයේදී වෛරසය ආසාදිත වූ දරුවන් සංඛ්යාව සත් (7) දෙනකි.
කෝවිඩ් වෛරසය පාකිස්ථානයේ ආරම්භ වූ පසුගිය වසරේ (2020) පෙබරවාරි මාසයේ සිට පසුගිය සෙනසුරාදා දක්වා කාලය තුළ එකම දිනෙක සිදු වූ බවට වාර්තාගත මරණ සංඛ්යාව එකසිය පනස් හතකි (157).
එරට සමස්ත මරණ සංඛ්යාව පසුගිය සති අන්තය වන විට දාසය දහස් හත් සියයකි (16,700).
අලුතින්ම වාර්තාගත ආසාදිතයින් ගණන සංඛ්යාව පන් දහස් නමසිය අටකි (5,908).
චන්ද්රසේන මාරසිංහ
