ලංකාවේ රාජ්ය අංශයේ සේවා නියුක්ත පිරිස පසුගිය කාලය තුළදී 2,05,772කින් පමණ පහළ ගොස් ඇති බව ජන හා සංඛ්යාලේඛන දෙපාර්තමේන්තුවේ සංඛ්යාලේඛන අනාවරණ කර ඇත. Sri Lanka Latest News
2015 ලංකාවේ මුළු සේවා නියුක්ත පිරිස 8600,629ක් වූ අතර, ඒ තුළ රාජ්ය අංශයේ සේවා නියුක්ත පිරිස 1352,167ක් වූ අතර, එය සමස්ත සේවා නියුක්තියෙන් 16%කට ආසන්න ප්රමාණයකි.
එහෙත් 2024 දෙවැනි කාර්තුව වනවිට මුළු සේවා නියුක්ත පිරිස 7,988,626ක් වූ අතර, එමගින් රාජ්ය අංශය තුළ සේවා නියුක්ත පිරිස සිටින්නේ 1,146,395ක ප්රමාණයකි.
ඒ අනුව 2024 දෙවැනි කාර්තුව වනවිට රාජ්ය අංශයේ සේවා නියුක්ත පිරිස 14% දක්වා පහළ ගොස් ඇති බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අංශයේ අධ්යක්ෂ මහාචාර්ය වසන්ත අතුකෝරල මහතා ‘මව්රට’ට පැවැසීය.
ඒ අනුව සලකා බලන විට 2015 දෙවැනි කාර්තුවේ සිට 2024 දෙවැනි කාර්තුව දක්වා අතර කාලය තුළ රාජ්ය අංශයේ සේවා නියුක්ත පිරිස 20,5772 පමණ පහළ ගොස් ඇත.
2020 දෙවැනි කාර්තුව වනවිට රාජ්ය අංශයේ සේවා නියුක්ත පිරිස 1180,450ක් වූ අතර, 2024 දෙවැනි කාර්තුව වනවිට එය 34,055කින් පමණ පහළ ගොස් ඇත.
රාජ්ය අංශයේ සේවා නියුක්ත පිරිසෙහි පහළ යෑම තුළ ඉහළ ප්රතිශතයකින් පහළ ගොස් ඇත්තේ කෘෂිකාර්මික අංශයේ සේවා නියුක්තව සිටි පිරිසක්ය.
එමෙන්ම කෘෂිකාර්මික නොවන අංශයේ සේවා නියුක්තියද ක්රමයෙන් පහළ ගොස් ඇති බව අදාළ දත්ත විශ්ලේෂණය කරන විට පැහැදිලි වේ.
කෙසේ වුවද රාජ්ය අංශයේ වර්තමාන සේවා නියුක්තිය සලකා බලන විට සමහර අංශවල අතිරික්ත සේවක සංඛ්යාවක් සිටින අතර, තවත් සමහර අංශවලද සේවකයන්ගේ හිඟයක් පවතී.
තවද රාජ්ය අංශය තුළ සේවා නියුක්තියෙහි ඌන සේවා නියුක්තව සිටින විශාල පිරිසක් ඇති බව අනාවරණ වේ.
ප්රේමලාල් විජේරත්න
