මේ වසර සඳහා ඉදිරිපත් කළ අයවැය ලේඛනය සලකා බලන විට 2024 වර්ෂයෙහි ජනාධිපති වියදම් සැලකිය යුතු මට්ටමක ඉහළ යෑමක් දැකගත හැකි බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අංශයේ අධ්යක්ෂ, මහාචාර්ය වසන්ත අතුකෝරල මහතා පැවැසීය. Sri Lanka Latest News
2024 සඳහා ඉදිරිපත් කළ අයවැය ලේඛනය අනුව ජනාධිති සඳහා වෙන්කරන ලද මුදල රුපියල් මිලියන 6,607ක් වූ අතර, ඒ තුළ වර්තන වියදම් රුපියල් මිලියන 3,779ක් සහ ප්රාග්ධන වියදම් රුපියල් මිලියන 2,828ක් ලෙස පෙන්නුම් කර තිබිණි.
එහෙත් 2025 වසර සඳහා ඉදිරිපත් කරන ලද අයවැය වාර්තා පිළිබඳ සලකා බලනවිට 2024 වසරේදී ජනාධිපතිගේ පුනරාවර්තන වියදම් රුපියල් මිලියන 4,052 දක්වා ඉහළගොස් ඇති බව පෙන්නුම් කරන අතර, ජනාධිපතිගේ ප්රාග්ධන වියදම් රුපියල් මිලියන 34,547 දක්වා ඉහළ ගොස් ඇති බව වාර්තා වේ.
මේ අනුව 2024 වසරේ ජනාධිපතිගේ මුළු වියදම ලෙස රුපියල් මිලියන 38,599ක් වාර්තා වන අතර, 2025 වසර සඳහා වෙන්කරන ලද මුදල් ප්රමාණය සැලකිය යුතු මට්ටමකින් පහළ දමා ඇති බව පෙන්නුම් කෙරේ.
එනම් 2025 සඳහා ජනාධිපතිගේ පුනරාවර්තන වියදම් ලෙස වෙන්කර ඇත්තේ රුපියල් මිලියන 2,546ක් වන අතර, ප්රාග්ධන වියදම් ලෙස රුපියල් මිලියන 454ක් වෙන්කොට ඇත.
ඒ අනුව මුළු වියදම ලෙස වෙන්කොට ඇති ප්රමාණය රුපියල් මිලියන 3000කි. එය පෙර වසරට සාපේක්ෂව සැලකිය යුතු මට්ටමක පහළ යෑමක් බවත් මහාචාර්යවරයා සඳහන් කළේය.
ප්රේමලාල් විජේරත්න
