ඉදිරියේදී පොලිස් මාරුවීම් සිදුකිරීමේදී වසර තුනකට අධික කාලයක් එකම ස්ථානයේ සේවය කිරීමත් ඒ කාලසීමාව තුළ අදාළ පොලිස් ස්ථානාධිපතිවරුන්ගේ කාර්යසාධනය පිළිබඳ වාර්තා ලබාගැනීමත් යන කරුණු පදනම් කරගැනීමට වැඩබලන පොලිස්පති ප්රියන්ත වීරසූරිය මහතා තීරණය කොට ඇතැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග මහතා ‘මව්රට’ට පැවැසීය.
පොලිස් ස්ථානාධිපතිවරුන්ගේ කාර්යසාධන පිළිබඳ වාර්තා ලබාගැනීමේදී ඔවුන්ගේ කිසියම් විනය විරෝධී ක්රියාවක් පිළිබඳ මහජනයාගෙන් පැමිණිලි ලැබී ඇද්ද යන්න ගැන සොයාබැලීමටද පොලිස්පතිවරයා තීරණය කොට තිබේ.
මේ අතර, පසුගියදා පොලිස්පතිවරයා විසින් පොලිස් දෙපාර්තමේන්තුවේ පරිපාලන ව්යුහයේ ඇතැම් තනතුරු සහ විමර්ශන ඒකක ප්රතිසංවිධාන කර අපරාධ පිළිබඳ නඩු කඩිනම් කර කඩිනමින් නඩු පැවරීමට හැකිවන අයුරින් කටයුතු කර ඇති බවද සඳහන්ය.
එහිදී මූල්ය අපරාධ කොට්ඨාසය සඳහා ජ්යෙෂ්ඨ නියෝජ්ය පොලිස්පතිවරයෙකුද පත්කොට තිබේ.
ප්රේමලාල් විජේරත්න
