හෝම්ලෑන්ඩ් ආයතනය විසින් කොළඹ තුම්මුල්ල ප්රදේශයේ ඉදිකිරීමට නියමිත තට්ටු 40ක දැවැන්ත ගොඩනැගිල්ලකට එරෙහිව අසල්වැසි ජනතාව පාරට බැස පසුගියදා විරෝධතාවක නිරත වුණා. ඔවුන් කියා සිටියේ නාගරික සංවර්ධන අධිකාරිය සාමාන්ය ජනතාවට තට්ටු 3කට වඩා උස ගොඩනැගිලි ඉදිකිරීමට අවසර නොදුන්නද හෝම්ලෑන්ඩ් ආයතනයට තට්ටු 40ක නිවාස සංකීර්ණයක් ඉදිකිරීමට අවසර දීම ප්රශ්නසහගත බවයි. මෙම කරුණ සම්බන්ධයෙන් සමාජ මාධ්ය ක්රියාකාරී ජිනාත් ප්රේමරත්න වීඩියෝවක් මගින් පළකර තිබූ අදහස් දැක්වීම පහත සඳහන් වේ.Sri Lanka Latest News
තුන්මුල්ලේ හෝම් ලෑන්ඩ් ආයතනයෙන් ඉදිකරන්න ගියා තට්ටු හතළිහක ගොඩනැගිල්ලක්. මේක ඉදිකරන්න පටන් ගත්තහම මේ වසර මුල් කාලයේදී තුන්මුල්ල ප්රදේශයේ අවට විශේෂයෙන්ම ක්ලාසන් පෙදෙස කියන ප්රදේශයේ පුද්ගලයොයි, ටිකල් පෙදෙස කියන ප්රදේශයේ පුද්ගලයොයි ඒකට විරුද්ධව පැමිණිල්ලක් ඉදිරිපත් කළා, නාගරික සංවර්ධන අධිකාරියට, මේක ඉදිකරන්න බැහැ මේ ප්රදේශයේ කියලා. මොකද මේ ප්රදේශය හරිත ආවරණ ප්රදේශයක්, ඒක වෙනම ආරක්ෂිත කලාපයක් නිසා. උස ගොඩනැගිලි ඉදිකරන්න බැහැ එක සීමාවකින් උඩ.
කොළඹ ආශ්රිතව අපි දන්නවා ගස් තියෙන හරිත ප්රදේශ ගොඩක් නැහැ. ඒ නිසා මේ විදියේ තැනක ඒ කලාපයට නීතියෙන් දීලා තියෙන සීමාවන් නොසලකා මේක ඉදිකරන්න යනවා කියලා චෝදනාවක් එල්ල වෙනවා. මොකද ඒ කලාපයේ නීත්යනුකූල තත්ත්වය අනුව, වෙනම කලාපයක් තියෙනවා. ඒ කලාපයේ තට්ටු ප්රමාණය, අපි හිතමු මට හරියට ඒකේ තොරතුරක් නැහැ, පහ හෝ හය. එතනින් උඩට ඉදිකරන්න බැහැ. එතකොට අව්ව වැටෙන්නේ නැතුව, ඒ යට තියෙන ඒ පරිසර පද්ධතියට බලපෑමක් ඇති වෙනවා.
දැන් මේකනේ නීතිය. දැන් අලුතින් නීතියක්වත්, එහෙම නෙවෙයි, අර දේවානි වගේ කෙනෙක් ඇවිල්ලා ගහක් ගැන කියනවා නෙවෙයි. නීතිය තමයි තියෙන්නේ. දැන් ඒ ප්රදේශයේ මිනිස්සුන්ට ඕනෙ වුණේ, මේක නීත්යානුකූල නොවන දෙයක්, ඒ නිසා මේ ගැන හොයා බලන්න කියලා, ඒ ප්රදේශයේ අය මේ සම්බන්ධයෙන් පැමිණිල්ලක් කරලා තිබ්බා මාර්ග සංවර්ධන අධිකාරියට. ඒ වගේම ජනාධිපතිට සහ අගමැතිටත් පැමිණිලි කරලා තිබුණා. දැන් ඔබට පේනවා ඇති, ජනාධිපති කාර්යාලයෙනුත්, මාර්ග සංවර්ධන අධිකාරියේ සභාපතිවරයාටත් ලිපියක් යවලා තියෙනවා, මෙන්න මෙහෙම ප්රශ්නයක් ඒ ප්රදේශයේ ජනතාව ඉදිරිපත් කරලා තියෙනවා, මේක වහාම බලන්න කියලා. අගමැති කාර්යාලයෙනුත්, නාගරික සංවර්ධන අමාත්යාංශයට ලියුමක් යවලා තියෙනවා මේක බලන්න මේ ප්රදේශයේ ජනතාව කියන්නේ, මේක නීත්යානුකූල ගොඩනැගිල්ලක් නෙවෙයි, මේ හෝම්ලෑන්ඩ් ආයතනය මගින් කරන්න යන්නේ. ඒකේ නම සඳහන් කරලත් තියෙනවා, ඒ කියන්නේ ඔය බිල්ඩිමේ නම සඳහන් කරලා තියෙන්නේ, පෙන්ටාරා රෙසිඩන්ස් කියලා.
ඒ වගේම මේ පෙන්ටාරා රෙසිඩන්ස් කියන එකේ, බ්රෑන්ඩ් ඇම්බැසඩර් විදියට ඔවුන් අරගෙන තියෙන්නේ වෙළෙඳ දැන්වීම්වලට සහ ඒක ප්රචාරණ කටයුතුවලට ජැකලින් ෆර්ඩිනැන්ඩ්ස්ව. ඕගොල්ලොන්ට දැන් පේනවා, රංග ශ්රීලාල් ඒ අවස්ථාවේදීත් එක්ස් පණිවුඩයක් මගින් පෙන්නලා දීලා තියෙනවා, මේ ප්රශ්නයක් තියෙන මේ ගොඩනැගිල්ලේ ජැකලින් ෆර්ඩිනැන්ඩ්ස් ඉද්දි, ඒ මොහොතෙදිම දිල්ලි අධිකරණයෙනුත් ඇයව වැරදිකාරියක් වෙලා තිබ්බනේ මුදල් විශුද්ධිකරණය යටතේ. අන්න ඒකෙන් ඇය මේ ඉල්ලලා තිබ්බා මේක මේ අයින් කරන්න කියලා ඇපෑලක්. ඒකත් නිෂ්ප්රභ වෙලා තිබ්බා දිල්ලි අධිකරණයෙන්. ඒ එහෙම තියෙද්දිත්, තාමත් ඇයට මේ චෝදනා තියෙනවා. වැරදිකාරියක් නොවුණාට, මේ චෝදනා තියෙද්දිත්, හෝම්ලෑන්ඩ් එකෙන් පෙන්ට්රා කියන මේ නිවාස සංකීර්ණයේ ප්රචාරණ කටයුතුවලට ඇයව යොදාගෙන තියෙනවා, බ්රෑන්ඩ් ඇම්බැසිඩර් කෙනෙක් විදිහට.
ඔහොම තියෙද්දි ඒ ප්රදේශයේ ජීවත්වෙන පුද්ගලයන් උද්ඝෝෂණයකුත් කරලා තිබ්බා මේ සම්බන්ධව, ලියලත් තිබ්බා ජනාධිපතිට, අගමැතිට, මාර්ග සංවර්ධන අධිකාරියට. ඊට පස්සේ ජනාධිපති කාර්යාලයෙන්, අගමැති කාර්යාලයෙන්, ලිපි ඇවිල්ලා තියෙද්දී මාර්ග සංවර්ධන අධිකාරියට සහ අමාත්යාංශයට, මෙතැන දැන් ඕගොල්ලොන්ට පේනවා ඇති මෙතැන රවුම් කරලා තියෙන්නේ, අනුර කරුණාතිලක මේකේ සමාරම්භක උත්සවයට ගිහින් සැප්තැම්බර් මාසේ පස් පිඩිලි කපන්න ගත්තා මේක පටන් ගන්න. මෙච්චර ප්රශ්නයක් තියෙද්දි. ඇයි තමන්ගේ ආණ්ඩුවේම ලොකු අය මේක ගැන බලන්න, හරියට බලලා කරන්න කියද්දි, ඒවාට පිළිතුරු දෙන්නේ නැතුව, මේ වගේ කලාපයක, හරිත ආරක්ෂිත කලාපයක, මේක කරලා පස් පිඩිලි කපන්න ගියේ කාගේ බලපෑමටද? මොන වුවමනාවකටද කියන ප්රශ්නය මතුවෙලා තියෙනවා.
ඊට පස්සේ තමයි අපිට දැනගන්න ලැබිලා තියෙන්නේ, මේකත් හේතුවක් තමයි කියලා, මොහුගේ අමාත්යාංශය ගලවන්න. හැබැයි කොහොම හරි, මේක සමාජයේ, විශේෂයෙන් සමහර මාධ්යවල මේවා ප්රචාරය වුණේ නැහැ.
