ජනතාව මේ වන විට ඉතිහාසයේ කිසි දිනෙක මුහුණ නොදුන් අතිවිශාල ආර්ථික අර්බුදයකට මැදිව බදු බරකට යටවී ඇති හෙයින් බෞද්ධ ජනතාව මහා සංඝයාට දානය පිළිගන්වද්දී ව්යාංජන දෙකක් සහිතව සරලව දානය පූජා කිරීම ප්රමාණවත් යැයි කාරුණිකව දැනුම් දෙන බව දක්ෂිණ ලංකාවේ ප්රධාන සංඝනායක, ආචාර්ය පූජ්ය ඕමල්පේ සෝභිත හිමියෝ ‘මව්රට’ට පැවැසූහ. (Sri Lanka Latest News)
ව්යංජන දෙකක් සමග දානය සාංඝික කළ හැකි බව පවසන උන්වහන්සේ, දරුවන් හඬාවැලපෙද්දී පවා දුප්පත් ජනතාව දානය රැගෙන එන බවත්, එය සංඝයාවහන්සේලාටද සංවේදී කරුණක් බවත් පැවැසූහය.
පිරිකර නැතැයි කියා දානය සාංඝික කිරීමට බැරිකමක් නැති බවත්, මේ දිනවල දානයේදී කිරිපැණි රසකැවිලි පිළිගැන්වීමෙන් වැළකී සිටියාට වරදක් නැති බවත් උන්වහන්සේ සඳහන් කළහ.
මේ වනවිට පාලකයන් මහජනයා මංකොල්ල කන තත්ත්වයකට ඇදදමා උපයන විටත් බදු අයකිරීමේ සිට වියදම් වන විටත්, වියදම් වූ පසුත් බදු අයකරන දුර්භික්ෂ තත්ත්වයට පත්කර ඇති බවත් සෝහිත හිමියෝ සඳහන් කළහ.
සෑම දිනකින්ම වියදම් ඉහළ යද්දී එළවළු මිලද අහස උසට නැග ඇති මෙවන් අවස්ථාවක බෞද්ධයන්ගෙන් යැපෙන සංඝයා වහන්සේලාටද දානය පිළිගැන්වීමද ගැටලුවක් වී ඇති බව උන්වහන්සේ පැවැසූහ.
ප්රේමලාල් විජේරත්න
