හමුදා කඳවුරුවල සිට නිවාඩු ලබාගෙන නිවෙස්වලට ගොස් ආපසු කඳවුරු වෙත නොපැමිණ කට්ටි පනිමින් සිටින යුද හමුදා සාමාජිකයන් 25,000ක් අත්අඩංගුවට ගැනීම සඳහා යුද හමුදා පොලිසිය සහ පළාත්බද පොලිස් පරීක්ෂණ ආරම්භ කොට තිබේ. (Sri Lanka Latest News)
පසුගිය වසර පහ තුළදී මෙවැනි අන්දමට නිවාඩු පිට සිට ආපසු නොපැමිණි හමුදා භටයන් සංඛ්යාව 54,000ක් වන අතර, ඒ අතරින් ආපසු සේවයට වාර්තා කර ඇති සංඛ්යාව 10,000ක් බවත්, පොදු සමාව යටතේ ආපසු පැමිණ සේවයෙන් ඉවත්ව ගොස් ඇති සංඛ්යාව 18,000ක් බවත් හමුදා මාධ්ය ප්රකාශක මේජර් ජෙනරල් රසික කුමාර මහතා ‘මව්රට’ට පැවැසීය.
පසුගිය 2009 සිට විවිධ නීති විරෝධී ක්රියාවන් සඳහා පොලිස් අත්අඩංගුවට පත්ව ඇති සංඛ්යාව 796ක් වන අතර, එම පුද්ගලයන් අතර හමුදා නිලධාරීන් 179 දෙනකු සිටින බව සඳහන්ය.
ඝාතන සිද්ධීන්, පහරදීම්, අවි අස්ථානගත කිරීම්, ලිංගික අතවර සහ ළමා අපචාර සිද්ධීන්වලට අදාළව හමුදා සාමාජිකයන් 264 දෙනකු පොලිස් අත්අඩංගුවට ගෙන ඇති බවද යුද හමුදා මාධ්ය ප්රකාශකවරයා පැවැසීය.
ඒ අතරින් 146 දෙනකු සොරකම්වලට අදාළව අත්අඩංගුවට ගෙන තිබේ.
වසරක් පාසා හමුදාවෙන් විශ්රාම යන සංඛ්යාවට වඩා අඩු සංඛ්යාවක් යළි බඳවා ගැනෙන අතර, පසුගිය වසරේ බඳවාගෙන ඇති සංඛ්යාව 3,000කි.
ප්රේමලාල් විජේරත්න
