වී බද්ද
ගෝඩ්න්තුමාගෙන් පසු 1890 මැයි මාසයේ හැව්ලොක්තුමා ලංකා ආණ්ඩුකාර ධුරයට පත්ව පැමිණි අතර එතුමන් මෙරට ජනතාව ගැන සාධාරණව බලා කටයුතු කරන්නට උනන්දු වූ අයෙකි. ඒ අනුව හැව්ලොක්තුමා මෙරට එතෙක් තිබූ වී බද්ද නැතිකර අසරණ ගොවියාට සහනයක් සලසමින් ගොවිතැනින් රට ස්වයංපෝෂිත කිරීමට පියවර ගත්තේය.
සුපිරි බැංකු
1892 මෙරට මුදල් ගනුදෙනු ගැන මහත් උනන්දුවෙන් සොයා බැලූ හැව්ලොක්තුමා ඊට විශාල දායකත්වයක් සපයමින් චාර්ටර්ඩ්, හොංකොං යන බැංකුවල ශාඛා ලංකාවේ පිහිටුවීමට කටයුතු කළේය. එයින් මෙරට ආර්ථික කටයුතු ප්රවර්ධනය වූ අතර දෙස් විදෙස් ගනුදෙනුද පහසු විය. ඒ හා සමගම මෙරට දියුණුවටද වැඩි ඉඩක් සැලසිනි.
බෝයර්ලා ලංකාවට
1896 වර්ෂයේ ආරම්භ වූ දකුණු අප්රිකාවේ ඉංග්රීසි-බෝයර් යුද්ධය නිසාම එහි සිරකරුවන් වූ බෝයර්වරු ලංකාවේ දියතලාව හම්බන්තොට රාගම ආදී ස්ථානවල පදිංචි කරන ලද අතර යුද්ධය අවසන් වීමෙන් පසුව ඔවුහු නිදහස් කරනු ලැබූහ. එහෙත් එමගින් මෙරට තුළ බොහෝ හැලහැප්පීම් සිදුවූ බවද පැවැසෙයි.
