ටෙලි තිරයේ මෙන්ම වෙළෙඳ දැන්වීම් හරහාද මේ දිනවල නිතර අප හමුවන ඇය, දුටු පමණින් හඳුනාගත හැකි සුන්දර රුවකට හිමිකම් කියන්නියකි. නිරූපණ ක්ෂේත්රයේ, විශේෂයෙන්ම මනාලියක ලෙස ක්ෂේත්රයට පිවිසි ඇය, අද වනවිට රංගන ශිල්පිනියක ලෙස ප්රේක්ෂක ආදරය නොඅඩුව ලබමින් සිටින්නීය. ‘හිරිපොද වැස්ස’, ‘දෙවෙනි ඉනිම’ සහ ‘යොවුන් වසන්තේ’ වැනි නිර්මාණ හරහා තම රංගන පරාසය විදහා දක්වන රශී වික්රමසිංහ සමග ඇයගේ අලුත් තොරතුරු පිළිබඳ ‘හාට්’ අපි මෙලෙස කතාබහක නිරත වුණෙමු.Sri Lanka Latest News
මුලින්ම රශී ගැන විස්තර ටිකක් කියමු?
මම රශී වික්රමසිංහ. මගේ පදිංචිය වත්තල. මම පවුලේ දෙවැනි දරුවා. මට අක්කා කෙනෙකුයි නංගි කෙනෙකුයි ඉන්නවා. අම්මා, තාත්තා ඇතුළු මගේ පවුලේ අයත් එක්ක හරිම ආදරෙන්, සතුටින් ඉන්න කෙනෙක් මම. මම ක්ෂේත්රයට මුලින්ම සම්බන්ධ වෙන්නේ බ්රයිඩ්ල් මොඩ්ල් කෙනෙක් විදිහටයි.ඒ උනාට මම ආසා කළේ මගේ බලාපොරොත්තුව උනේ රංගනශිල්පිනියක් වෙන්න. ඉතින් ඒ හරහා ලැබුණු අත්දැකීම් එක්ක දැන් මම රංගන ශිල්පිනියක් විදිහට කටයුතු කරනවා.
මේ දවස්වල වැඩකටයුතු කොහොමද?
මේ දවස්වල ඇත්තටම ටිකක් කාර්යබහුලයි. ප්රධාන වශයෙන්ම ටෙලිනාට්ය කිහිපයක රංගන කටයුතු කරගෙන යනවා. ඒ වගේම මම ප්රධාන රංගනයෙන් දායක වුණු වෙළෙඳ දැන්වීම් කිහිපයක් මේ දවස්වල විකාශය වෙන්න තියෙනවා. ඊට අමතරව වෙනදා වගේම බ්රයිඩ්ල් ෂූට් සඳහාත් කාලය වෙන් කරලා තියෙනවා.
මේ දිනවල ‘හිරිපොද වැස්ස’ ටෙලිනාට්යයට ලැබෙන ප්රතිචාර කොහොමද?
ගොඩාක් හොඳයි. මුලදි නම් සමජ මාධ්ය තුළ කමෙන්ට් – බැණුම් ගොඩාක් ආවා. දැන් නම් ඒ වගේම දිරිගැන්වීම් සුබ පැතුම් ගොඩාක් එනවා. ස්වර්ණවාහිනියේ විකාශය වන ‘හිරිපොද වැස්ස’ වගේම ‘දෙවෙනි ඉනිම’ සහ ‘යොවුන් වසන්තේ’ වැනි නිර්මාණ හරහා ලැබෙන ප්රතිචාර ගැන ගොඩක් සතුටුයි. පාරක තොටකදී හමුවුණත් ප්රේක්ෂකයන් දැන් මාව හඳුනාගෙන ආදරෙන් කතාකරනවා. ඒ වගේ ආදරණීය ප්රතිචාර ඇත්තටම හිරිපොද වැස්ස ඩ්රාමා එක නිසයි. මේ ඩ්රාමා එකට මාව සම්බන්ධ කළේ මේනුක ප්රේමරත්න අයියා. ඒ වගේම සහාය අධ්යක්ෂ හංස අයියා. ඒ වගේම හිරිපොද වැස්ස කණ්ඩායමේ සියලු දෙනා මට ලොකු ශක්තියක්.
මුල් කාලේ ආපු කකුලෙන් ඇදීම් රංගන ජීවිතයට බලපෑවේ කොහොමද? වැටුණද, නැත්නම් ඒවායින් පන්නරයක් ගත්තද?
අම්මෝ කකුලෙන් ඇදීම්වලින් නම් අඩුවක් තිබුණේ නෑ. මම පාසල් යන කාලයේ ඉඳලමයි බ්රයිඩ්ල් මොඩ්ල් කරන්න ගත්තේ. ඉතින් පාසලට පවා මම කරපු පොටෝ ෂූට් යවලා පාසලේ යම් යම් ප්රශ්න ඇති කරන්න ගොඩාක් අය කටයුතු කළා. ඉතින් මට මේ ගමන නවත්වන්න කියලා ගොඩාක් ප්රශ්න ආවත් මගේ අම්මයි තාත්තායි මගෙත් එක්ක හයියට හිටිය නිසා අද මම ඒ ප්රශ්නවලින් ජයගෙන ඉදිරියට ඇවිල්ලා තියෙනවා. ඒ කාලේ විතරක් නෙමෙයි දැනට කියලත් ඒකේ වෙනසක් නෑ. ඉස්සර මාව ගණන් නොගෙන මගෙත් එක්ක හිනා නොවී ගියපු ගොඩාක් අය දැන් මා එක්ක බලෙන් හිනාවෙනවා. ඉතින් මට පුළුවන් විදියට ඒ අයට ප්රතිචාර දක්වනවා. පොඩ්ඩක් එහෙ මෙහා වෙලා නොදැක්කොත් ඒකටත් දැන් ඉතින් නිළියක්නේ දැන් හරි ආඩම්බරයි අඩියක් උඩින් යන්නේ කියන අයත් හැම තැනම ඉන්නවා. ඉතින් කවදාවත් සැලෙන් නෑ. මිනිස්සු කකුලෙන් අදින්න දඟලන්නේ එයාලට අදින්න පුළුවන් සීමාවෙදී විතරයි. අපි ඒ සීමාව පහුකරලා උඩට ගියාම ඒ හැමදෙනාම අපේ ප්රේක්ෂකයෝ වෙනවා. ඉතින් දැන් මම මගේ ප්රේක්ෂකයන්ට හරිම ආදරෙයි
එක පැත්තකින් බිස්නස්, අනිත් පැත්තෙන් ඇක්ටින්. මේ දෙකම පටලවා ගන්නේ නැතුව බැලන්ස් කරගන්නේ කොහොමද?
බියුටි ප්රඩක්ට් එකට වෙනම පේජ් එකක් තියෙනවා. ඒක බලන්න වෙනම කෙනෙක් ඉන්නවා. ඉතින් ඒක නිසා මට ලොකු දෙයක් කරන්න නෑ. ඇක්ටින් පැත්තෙන් ගත්තොත් ගොඩාක් එන වැඩවලට මමත් මගේ අම්මත් තමයි කතාකරන්නේ. අම්මගෙන් ඒ පැත්තට ලොකු සහයෝගයක් ලැබෙනවා. ඉතින් ඒ දෙකම ලස්සනට බැලන්ස් කරන් යනවා
හොඳ බ්රයිඩ්ල් මොඩ්ල් කෙනෙක් විදිහට රංගනය අභියෝගයක් වුණේ නැද්ද?
අභියෝගය ගැන කිව්වොත්, මෝස්තර නිරූපණය මම හොඳටම ඉගෙන ගත්තේ මිස් ටීන් ශ්රී ලංකා තරගයට. මම චරිත් ගුණසේකර සහ ඉසුරු ගුණසේකර සර්ලා දෙන්නගෙන් තමයි හොඳටම ඒ ගැන ඉගෙන ගත්තේ. මිස් ටීන් අවසන් 12 අතරේ මට ඉන්න වාසනාව ලැබුණා. චරිත් සර් ඉසුරු සර් හදවතේ ගුරුවරුන් දෙදෙනා. නිරූපණයේදී අපිට තියෙන්නේ නිශ්චල ඉරියව් ඉදිරිපත් කරන්න. ඒත් රංගනය කියන්නේ ඊට වඩා හාත්පසින්ම වෙනස්, හැඟීම් සහ දෙබස් එක්ක කරන ලොකු කාර්යයක්. බ්රයිඩල් මොඩ්ල් කෙනෙක් විදිහට තිබුණු ඒ රාමුවෙන් මිදිලා, චරිතයකට අවංක වෙන්න මුලදී පොඩි අභියෝගයක් තිබුණා. ඒත් අත්දැකීම් එක්ක දැන් මම ඒ අභියෝගයට හරිම ආසාවෙන් මුහුණ දෙනවා.
මිස් ටීන් වේදිකාවෙන් ලැබුණු හුරුව රංගනයට එද්දී ඔයාට පාර හැදුවේ කොහොමද?
මිස් ටීන් ශ්රී ලංකා තරගයෙන් මම ගොඩාක් දේවල් ඉගෙන ගත්තා වගේම මොඩ්ලින් ෆීල්ඩ් එකෙන් ගොඩාක් දේවල් ඉගනගන්න පුළුවන් වුණා. ලොකු වේදිකාවක් උඩ බය සැක නැතුව පිරිසක් ඉස්සරහා පර්ෆෝම් කරන්න මට ඒ හයිය දුන්නේ චරිත්, ඉසුරු සර්ලා දෙන්නා. අදටත් හදවතින්ම ගෞරව කරනවා ඒ දෙන්නට. ඉතින් මිස් ටීන් හරහා සෝෂල් මීඩියාවල වගේම මගේ ගමේ ගොඩක් අය අතරට මට යන්න පුළුවන් වුණා. ගොඩාක් අය මාව දැනගත්තා. ඉතින් ඒකත් මගේ ඉදිරි ගමනට ලොකු පන්නරයක් වුණා.
ඉදිරි බලාපොරොත්තු මොනවාද?
මේ ක්ෂේත්රයෙන් තව ඉගෙන ගෙන තව තවත් ඉදිරියට හොඳ නිර්මාණවලට සම්බන්ධ වෙලා වැඩකරන්න තමයි බලාපොරොත්තුව. ඒ විතරක් නෙමෙයි. මගේම රූපලාවණ්ය නිෂ්පාදනයක් තියෙනවා ‘හිවෝනා බියුටි ප්රඩක්ට්’. ඒකත් ඉදිරියේදී තව වැඩිදියුණු කරගන්න බලාපොරොත්තු වෙනවා. මම කම්මැළිකමට ඉන්න කැමැති නෑ. ගැහැනු ළමයෙක් මහන්සි වෙන්න ඕනේ. අවුරුදු විසිතුනක් විසිහතරක් වෙද්දි තමන් හොඳ ස්ථාවරයක් හදාගෙන කොන්ද කෙළින් තියන් හැමදේටම මුහුණ දෙන්න පුළුවන් තත්ත්වෙක ඉන්න ඕනේ කියලා මම හිතනවා.
චතු වීරසිංහ
