ලෝකයේ අතිමහත් ප්‍රේක්ෂක ආකර්ෂණය දිනාගත් Got Talent වැඩසටහනේ ශ්‍රී ලාංකීය මුහුණුවර Sri Lanka’s Got Talent හි තුන්වැනි අදියර දෙසැම්බර් 13 සිට සෙනසුරාදා සහ ඉරිදා දිනවල රාත්‍රී 8.30ට සිරස ටීවී තුළින් විකාශය වේ. ගිනස් වාර්තා පොතට අනුව ලොව වැඩිම පිරිසක් නැරඹූ රියැලිටි වැඩසටහන් මාලාව ලෙසටද සැලකෙන Got Talent මේ වනවිට මහද්වීප 6ක් පුරා රටවල් 80 කට ආසන්න ප්‍රමාණයක විවිධ භාෂාවලින් ප්‍රතිනිර්මාණය වී ඇත.

මෙවර මෙහි විනිශ්චයකරුවන් ලෙස අඛිල ධනුද්දර, සංගීතා වීරරත්න, ධනු ඉන්නාසිතම්බි සහ ස්ටෙෆනි සිරිවර්ධන ක්‍රියා කරන අතර වැඩසටහන ඉදිරිපත් කරන්නේ ජනප්‍රිය YouTube තරු දෙපළක් වන ජනා සහ ප්‍රියා විසිනුයි. Judges’ Audition, Cull Episodes, Quarter Finals, Semi Finals, Pre-Finale සහ Finale ලෙසින් වට 6ක් ලෙසින් වැඩසටහන් 28ක් පුරාවට මෙම අදියර දිගහැරෙනු ඇත.

මෙහි මූලික වටයේ පරීක්ෂණ (Auditionපළාත් 09ම ආවරණය කරමින් අනුරාධපුරය, යාපනය, කුරුණෑගල, බදුල්ල, මහනුවර, මඩකළපුව, රත්නපුර, මාතර යන නගරයන් හිදී මෙන්ම රත්මලාන Stein Studios පරිශ්‍රයේදීත් පවත්වන ලදී. ඒ සඳහා සහභාගී වූ දහස් ගණනක් වූ තරගකරුවන් අතරින් 130ක් Judges’ Round වටය සඳහා තෝරා ගැනුණි.
ත්‍රාසය, භීතිය, කුතුහලය සපිරි අසමසම වික්‍රමාන්තයන්, හාස්‍යජනක මෙන්ම විනෝදය සපිරි පෙර නොවූ ආකාරයේ ඉදිරිපත්කිරීම් මෙන්ම සංවේදී හැඟුම්බර අවස්ථාවන් සමගින් වෙනස්ම අත්දැකීමක් සති අන්තයේ විඳගන්න. රාත්‍රී 8.30ට Srilanka’s Got Talent සිරස ටීවී තුළින් නරඹන්න.