ප්රේක්ෂක, විචාරක ප්රතිචාර මැද මාධව සහ නිර්මලාගේ ආදර කතාව රැගෙන අතිසාර්ථකව තිරගතවන ‘වයිෆ්’ සිනමා පටයේ ජයග්රාහී 50 වැනි දින සැමරුම චිත්රපටයේ සියලු රංගන ශිල්පීන්ගේ සහභාගිත්වයෙන් අප්රේල් 05 වැනි දින සවස 5.15ට පී.වී.ආර්. සිනමා ශාලා සංකීර්ණයේදී උත්සවශ්රීයෙන් සැමරීමට කටයුතු සූදානම් කර ඇත.Sri Lanka Latest News
විවාහ ජීවිතයේ අභ්යන්තර ගැටුම, සමස්ත පිරිමින්ගේ හෘද සාක්ෂිය අමතන කතාවක් ලෙස ‘වයිෆ්’ ප්රේක්ෂකයා හමුවට ගෙන එනු ලබන්නේ ශමීර නාඔටුන්නගේ නිර්මාණාත්මක අධ්යක්ෂණයක් ලෙසිනි. මෙය ඔහුගේ තෙවැනි සිනමා නිර්මාණයයි. වරුණ අරඹගේ විසින් ‘වයිෆ්’ නිෂ්පාදන දායකත්වය දරා ඇත. හේමාල් රණසිංහ සමගින් උදාරි වර්ණකුලසූරිය ප්රධාන චරිත නිරූපණයෙහි යෙදෙන මෙහි කැමරා අධ්යක්ෂණයෙන් චින්තක සෝමකීර්ති, සංස්කරණයෙන් සහ වර්ණ සංයෝජනයෙන් තිස්ස සුරේන්ද්ර, සංගීත අධ්යක්ෂණයෙන් මෙන්ම ගීත ගායනයෙන් චිත්රාල් සෝමපාල එක්වී ඇති ‘වයිෆ්’ චිත්රපටය මේ වනවිටත් දිවයින පුරා සිනමා ශාලාවන් රැසකදී අතිසාර්ථක ලෙසින් තිරගත වෙයි.
සෙල්ලක්කාර පිරිමින්ගේ ග්රහණයට නතුවී, සිය හදවත් ඉකිබිඳිනා රාවයන් ලොවට රහසින් සුසුමක දියකර පාකර හරිනා බොහෝ යුවතියන්ගේ පොදු ජීවිත කතාව ‘වයිෆ්’ තුළින් සමාජය වෙත ගෙන එනු ලබයි.
